Video
Read full review
2022-12-09
44 views
最近上環開左間高級既日本料理，評價非常唔錯，適逢朋友生日，就帶佢黎試下啦！餐廳用左木系既日式設計，分左吧檯位同雅座。一入去就留意到有超大既窗可以望出街景，感覺開揚。天花上仲掛左一個個和風燈籠，好有情調。我地揀左坐吧檯位，可以清楚睇到廚師烹調既過程，廚師上菜既時候仲會同我地介紹每道菜式既特點添！而睇menu 個時，店員好貼心咁遞上熱茶、熱毛巾比我地抹手～✨鵝肝海膽紫蘇卷廚師用紫蘇葉包住鵝肝同海膽，再沾上炸漿去炸。紫蘇葉炸到好酥脆，而入面既鵝肝同海膽就呈融融地既狀態，口感好豐富。一入口係鵝肝既香、海膽既甜，最後回甘既係紫蘇葉既清新，層次豐富。✨宮崎A4和牛他他和牛他他上面有隻鮮黃既蛋，比你撈勻包住食。有唔少朋友都驚生食牛肉，但呢到係完全唔會有腥味，反而係淡淡既甜味，感覺比想像中light 。旁邊有四塊紫菜天婦羅比你包住牛肉食，紫菜天婦羅炸得好脆，配上滑溜既生牛肉簡直係一流既搭配！✨廚師長秘製吞拿魚下顎一上菜見到成舊煨番薯咁，外面又乾，心諗唔通中伏！但原來內有乾坤！一夾入到出乎意料地鬆軟，入面既油脂即刻湧現，閃爍住油光，入面啲肉非常soft，一入口就融化，而外層既肉並唔係乾，而係焦脆。廚師只
最近上環開左間高級既日本料理，評價非常唔錯，適逢朋友生日，就帶佢黎試下啦！
餐廳用左木系既日式設計，分左吧檯位同雅座。一入去就留意到有超大既窗可以望出街景，感覺開揚。天花上仲掛左一個個和風燈籠，好有情調。
我地揀左坐吧檯位，可以清楚睇到廚師烹調既過程，廚師上菜既時候仲會同我地介紹每道菜式既特點添！而睇menu 個時，店員好貼心咁遞上熱茶、熱毛巾比我地抹手～
✨鵝肝海膽紫蘇卷
廚師用紫蘇葉包住鵝肝同海膽，再沾上炸漿去炸。紫蘇葉炸到好酥脆，而入面既鵝肝同海膽就呈融融地既狀態，口感好豐富。一入口係鵝肝既香、海膽既甜，最後回甘既係紫蘇葉既清新，層次豐富。
✨宮崎A4和牛他他
和牛他他上面有隻鮮黃既蛋，比你撈勻包住食。有唔少朋友都驚生食牛肉，但呢到係完全唔會有腥味，反而係淡淡既甜味，感覺比想像中light 。旁邊有四塊紫菜天婦羅比你包住牛肉食，紫菜天婦羅炸得好脆，配上滑溜既生牛肉簡直係一流既搭配！
✨廚師長秘製吞拿魚下顎
一上菜見到成舊煨番薯咁，外面又乾，心諗唔通中伏！但原來內有乾坤！一夾入到出乎意料地鬆軟，入面既油脂即刻湧現，閃爍住油光，入面啲肉非常soft，一入口就融化，而外層既肉並唔係乾，而係焦脆。廚師只輕輕咁用鹽調味，吊出吞拿魚既鮮。極力推介！
✨ 季節刺身盛合
師傅會揀時令既刺生黎做，所以次次黎都唔同。今次就有蜜甘鯛、牡丹蝦、深海池魚、拖羅。魚生固之然新鮮，但仲有好多驚喜！深海池魚肉質鮮嫩肥美，脂厚油香，尤其師傅輕輕燒左表面，味道更豐富。蜜甘鯛既肉超級tender，甜得黎之餘仲真係食到淡淡既甘橘香氣。
✨ 宮崎A4和牛壽喜燒
和牛都有三大片，鍋入面仲有小松菜、豆腐、舞菇、冬菇得配料，性價比都幾高。和牛非常出色，油脂豐富，轉眼就融係口入面。而壽喜燒既汁味道亦唔會過甜，食得舒服～
✨ 五卵卡邦尼烏冬
五卵指既係明太子、海膽、烏魚子、溫泉蛋、三文魚籽，呢碟烏冬味道鮮美，間唔中又食到少少辣味，又會咬到三文魚籽既甜
。醬汁滑溜creamy ，鳥冬非常掛汁，食完非常滿足。
最後仲有柚子雪葩甜品，上面既柿餅用左一塊塊既柿子皮夾住，雪葩唔會好甜，仲會食到一粒粒柚子果肉，令人耳目一新，完美作結！
季節刺身盛合
3 views
0 likes
0 comments
鵝肝海膽紫蘇卷
14 views
0 likes
0 comments
鵝肝海膽紫蘇卷
16 views
0 likes
0 comments
宮崎A4和牛他他
0 views
0 likes
0 comments
廚師長秘製吞拿魚下顎
13 views
0 likes
0 comments
宮崎A4和牛壽喜燒
9 views
0 likes
0 comments
五卵卡邦尼烏冬
9 views
0 likes
0 comments
柚子雪葩
2 views
0 likes
0 comments
Post
