Video
Read full review
2021-11-04
98 views
今日朋友約咗我去呢間同撈同煲火鍋老實講一入門口 感覺麻麻主題係九十年代風配懷舊音樂裝修的確唔係我杯茶但環境都幾舒服 好乾淨 抽風好勁食咗成晚都唔會有油膩煙霧嘅感覺入座後先點咗佢哋推介嘅美人鍋提一提佢地個鍋好大夠淺好方便美人鍋用咗半個雞係你面前滾出嚟仲有啲蟲草花 桃膠 瓜菜等等佢地個食法係推介客人先飲一碗頭啖湯我覺得真係幾好飲 好夠雞味 清清地咁我全程都係一邊滾嘢食一邊飲湯叫嘢食嘅時候佢地好推介海鮮 仲有折頭可惜我暫時未食得海鮮就冇叫到就叫咗啲平時打邊爐食開嘅魚皮 響鈴 肥牛 黃喉 羊肉片 牛丸我覺得魚皮同響鈴係香港食過最好食魚皮有幾種口味可以揀 我食咗蜜糖味冇誇張 完全停唔到口 無論浸唔浸湯都好食響鈴好出色係即炸嘅 超脆 入口即溶佢仲配咗個醬畀我唔浸湯食 好正魚皮 響鈴建議一定要叫肥牛我地試咗兩款 一個係日本飛驒牛平時燒肉都好常見呢種肉 感覺唔係太適合打邊爐用我推薦另一款特級手切夠牛味 夠雪花 量都多 抵食另外黃喉好爽口亦都推介羊肉牛丸就不過不失飲品方面我揀咗佢地自家製嘅菊花蜜清新 夠味 好解膩 我叫咗兩支食晒所有嘢之後 每人上咗兩款免費甜品一個係啫喱 一個係要放入爐煮嘅糖不甩我諗啫喱
今日朋友約咗我去呢間同撈同煲火鍋老實講一入門口 感覺麻麻
主題係九十年代風配懷舊音樂
裝修的確唔係我杯茶
但環境都幾舒服 好乾淨 抽風好勁
食咗成晚都唔會有油膩煙霧嘅感覺
入座後先點咗佢哋推介嘅美人鍋
提一提佢地個鍋好大夠淺好方便
美人鍋用咗半個雞係你面前滾出嚟
仲有啲蟲草花 桃膠 瓜菜等等
佢地個食法係推介客人先飲一碗頭啖湯
我覺得真係幾好飲 好夠雞味 清清地咁
我全程都係一邊滾嘢食一邊飲湯
叫嘢食嘅時候佢地好推介海鮮 仲有折頭
可惜我暫時未食得海鮮就冇叫到
就叫咗啲平時打邊爐食開嘅
魚皮 響鈴 肥牛 黃喉 羊肉片 牛丸
我覺得魚皮同響鈴係香港食過最好食
魚皮有幾種口味可以揀 我食咗蜜糖味
冇誇張 完全停唔到口 無論浸唔浸湯都好食
響鈴好出色係即炸嘅 超脆 入口即溶
佢仲配咗個醬畀我唔浸湯食 好正
魚皮 響鈴建議一定要叫
肥牛我地試咗兩款 一個係日本飛驒牛
平時燒肉都好常見呢種肉
感覺唔係太適合打邊爐用
我推薦另一款特級手切
夠牛味 夠雪花 量都多 抵食
另外黃喉好爽口亦都推介
羊肉牛丸就不過不失
飲品方面我揀咗佢地自家製嘅菊花蜜
清新 夠味 好解膩 我叫咗兩支
食晒所有嘢之後 每人上咗兩款免費甜品
一個係啫喱 一個係要放入爐煮嘅糖不甩
我諗啫喱係畀你等佢煮糖不甩嘅時候食吓
啫喱冇乜特別 糖不甩係鯉魚形狀
侍應煮得好有心機
煮完剪開 沾上滿滿嘅 花生糖粉就上碟
好甜好煙韌 都幾正
最後值得一提嘅係侍應
佢地真係好好服侍
一揮手就有人衝過嚟 唔會怠慢
最癲係佢地每隔幾分鐘就會過嚟幫你隔油
我個湯食到最後都仲係清嘅 好厲害
Post
