Mano (The L. Square)

上星期同朋友去咗銅鑼灣L Square 5樓嘅Mano食晚餐，慶祝一個特別嘅日子🎉。呢間餐廳環境好靚，又浪漫，播放住輕鬆嘅音樂，非常適合聚餐、慶祝同傾計😃。我哋叫咗幾道美食，包括凱撒沙律、芝士肉醬千層麵同埋意式燴牛小排😋。凱撒沙律 🥗新鮮嘅羅馬生菜配上滿滿嘅巴馬臣芝士🧀，再加上巴馬火腿同麵包粒，真係非常開胃！生菜爽脆，芝士同火腿嘅鹹香味搭配得剛剛好，絕對係一道唔錯嘅前菜。芝士肉醬千層麵 🍝Mano嘅千層麵真係唔錯！一層層嘅芝士同肉醬，咬落去口感豐富，芝士味香濃，肉醬味道甜美。千層麵焗得啱啱好，熱辣辣上枱，真係好滿足😌。雖然份量可以再多啲，但味道已經非常正。意式燴牛小排 🍖牛小排燴得非常入味，肉質嫩滑，入口即化，配上餐廳自家製嘅醬汁，味道一流！整體味道豐富，好啱一班朋友一齊分享。成晚氣氛一流，環境乾淨衞生，食物即叫即整，感覺好放心。餐廳嘅座位雖然有啲擠迫，但整體都仲算舒適。建議大家提前訂座，咁就可以坐得舒舒服服，慢慢享受美食啦！🍷l無論你係想同朋友聚餐，定係慶祝特別日子，Mano都係一個唔錯嘅選擇！下次有機會再去試埋其他菜色！🥳Mano 📍銅鑼灣駱克道L Square 5樓