Video
Read full review
2023-05-04
1745 views
終於食到遠近馳名嘅大圍小館啦，上年佢哋終於獲得《香港澳門米芝蓮指南2022》必比登推介，成為大熱餐廳，想食晚市要親身去餐廳先訂到位，今次有賴朋友幫忙先訂到位，而且當中有啲失傳手工菜🥢更加要堂食前幾日預訂好，想食一定要做好功課先！.琵琶鵝 $880首先要預訂嘅菜式就有琵琶鵝🦤，侍應先將原隻上枱，俾食客睇到佢嘅原貌。琵琶鵝因形狀似樂器中嘅琵琶而命名，打完卡就可以拎去切啦！ 琵琶鵝做法花工夫，用秘製醬汁醃完後吊乾，而且要重複同一步驟幾次，製作繁複，香港現時應該只得幾間餐廳可以食到，所以我哋一早就預約咗。.外皮燒得香脆，雖然脆皮下少不了鵝膏，但係食落毫不油膩，配埋酸梅醬就更加錦上添花。酸梅醬亦有巧妙之處，食落就知道同坊間燒味舖嘅有唔同，偏甜少少，但👩🏻更喜歡依個酸梅醬，好開胃。.荔蓉香酥鴨 $288/8件另一需預約嘅菜式就係荔蓉香酥鴨，先將調味過嘅鴨肉蒸熟，然後將芋蓉同鴨肉合二為一，再拎起去油炸。一口就可品嚐到酥脆嘅外皮、鮮味嘅鴨肉同軟糯嘅芋蓉。雖然香酥鴨經油炸過，但毫不油膩，仲有乾爽嘅口感，好味。.勾魂叉 $188/5件大圍小館當中最出名既然嘅菜式一定唔可以唔提嘅就係佢地嘅叉燒啦！ 午市有第
.
琵琶鵝 $880
首先要預訂嘅菜式就有琵琶鵝🦤，侍應先將原隻上枱，俾食客睇到佢嘅原貌。琵琶鵝因形狀似樂器中嘅琵琶而命名，打完卡就可以拎去切啦！ 琵琶鵝做法花工夫，用秘製醬汁醃完後吊乾，而且要重複同一步驟幾次，製作繁複，香港現時應該只得幾間餐廳可以食到，所以我哋一早就預約咗。
.
外皮燒得香脆，雖然脆皮下少不了鵝膏，但係食落毫不油膩，配埋酸梅醬就更加錦上添花。酸梅醬亦有巧妙之處，食落就知道同坊間燒味舖嘅有唔同，偏甜少少，但👩🏻更喜歡依個酸梅醬，好開胃。
.
荔蓉香酥鴨 $288/8件
另一需預約嘅菜式就係荔蓉香酥鴨，先將調味過嘅鴨肉蒸熟，然後將芋蓉同鴨肉合二為一，再拎起去油炸。一口就可品嚐到酥脆嘅外皮、鮮味嘅鴨肉同軟糯嘅芋蓉。雖然香酥鴨經油炸過，但毫不油膩，仲有乾爽嘅口感，好味。
.
勾魂叉 $188/5件
大圍小館當中最出名既然嘅菜式一定唔可以唔提嘅就係佢地嘅叉燒啦！ 午市有第一叉，而晚市就有勾魂叉，目測分別只係在於有脆米同無脆米(由於我哋未食過午市，有錯還望指正)，基本上嚟得大圍小館每枱都會叫一份叉燒。佢地嘅叉燒係用至尊梅頭同一號背肌肉🐖，醃製好後，經過多重燒烤，完美嘅窿邊叉燒就可以出爐啦！
.
上枱時侍應會為叉燒塗上陳皮南乳百花蜜醬，最後再用火槍燒一燒，食客可以配叉燒下嘅脆米一齊食。可以話依度嘅叉燒係我哋食過最好食嘅叉燒，平時👩🏻係唔鍾意食肥叉燒嘅，但至尊梅頭豬肉軟腍無比，肥瘦適中，每嚿都好厚肉，外邊窿邊又帶有一份焦香，到依刻👩🏻仲記得當時嘅口感。絕對係今餐嘅MVP！
.
薑米蒜香籠仔蒸蟹飯 $288
大圍小館做依個蒸蟹飯🦀時，選蟹會視乎季節，會最當造嘅新鮮蟹去製作，誠意十足。飯底用金鳳米，加上薑米、蛋白及蟹膏先炒後蒸。一打開蒸籠就聞到蟹膏蟹肉嘅香氣，蟹膏滲晒入炒飯當中，炒飯炒到粒粒金黃、乾爽，蟹肉結實鮮甜，啖啖飯都有蟹膏香味，好好食呀！
.
另外我哋仲叫咗個老火湯(猴頭菇鯊魚骨玉竹沙參瘦肉湯)、鮮山葵海蜇頭作小食，五個人埋單每人大概$600左右，食得非常飽，琵琶鵝食唔晒，仲打包咗兩盒走🥡。寫緊依篇食評時都好掛住當日嘅勾魂叉同蟹飯，依兩道菜絕對係必食之選！
琵琶鵝
$880
32 views
1 likes
0 comments
琵琶鵝
$880
52 views
0 likes
0 comments
荔蓉香酥鴨
$288
100 views
0 likes
0 comments
勾魂叉
$188
83 views
0 likes
0 comments
薑米蒜香籠仔蒸蟹飯
$288
85 views
0 likes
0 comments
Post
