南蛮亭

Open Now

Now Closed

雖則話啱啱飛咗轉日本，肥肥家族愛食日本菜o既口味絕無減退。週四晚大肥爸爸話好想食串燒，細佬就應舞友推介，一試六本木過江龍「南蛮亭」。座落於銅鑼灣一幢食廈內o既串燒店面積唔算大，經過布簾，直入大堂先有多張二至多人方形合併式散座。天花吊出漁網貝殼，又用上酒樽套著燈泡，音閃出彩光，感覺極之輕鬆隨意。左邊為串燒師傅o既開放式大舞台，估唔到整晚得佢一個人，八點滿座時卻未見甩漏，駕輕就熟，實在令人敬佩！預早訂座o既小肥被安排入座右邊私隱度較高o既小房間內。無奈大肥身形過於龐大，未能成功就座，友善o既經理哥哥見狀即好客氣地幫忙並任由我地揀轉到窗邊空間更足o既位置。窗邊o既紅色水車玻璃魚缸唔知係咪風水飾物呢？！細佬準時收工，早咗半個鐘頭到步。等待期間，經理哥哥先送上餐牌、熱茶及菜條。餐牌首頁為附有彩圖o既推介菜式。其餘食物單點項目有六頁之多。飲品則只有一頁。餐牌上清楚道出串燒要配新鮮菜條方才最美味，故亦會照慣例呈上，如客人不即時告知不要菜條，價錢將結賬時自動加上。新鮮菜條（$22/碟）：生食o既菜條共有三款，分別為椰菜、紅蘿蔔及青瓜，均爽脆清新。食日本料理，家人都愛配日本清酒，今次食串燒都唔例外，揀咗