日本野 (Closed)

同朋友一致覺得好味又抵食，特別係吉列豬扒真係好值得encore!!❤石燒霜降牛小排定食 牛小排紋理雪花都好靚，輕輕底面燒一燒，點少少鹽或者芥末都好夠味，食落油脂感香而不膩，好軟好嫩，牛肉味好香!! 🧡大阪風吉列豬扒定食 有兩大塊新鮮炸起好香脆既豬扒，個醬汁同以前係名古屋食到既一模一樣，酸酸甜甜超開胃～定食仲配溫泉蛋或者溏心蛋，好高質💛厚燒鰻魚玉子 跟餐追加既小食，厚燒玉子好大件，玉子好香甜，中間包住肥美饅魚，好滿足💚芝士年糕 好值得加配既小食，外層炸到黃金色，中間好綿好煙煙韌韌，仲有芝士流心邪惡