Video
Read full review
2023-05-06
24 views
平時行荃豐都係為咗買嘢，好少再向入面啲商場繼續行，但今日見肚餓，不如走訪一下，行到昌寧，眼前出現一間感覺幾日式嘅拉麵店，入面有啲貓貓畫幾得意，就決定試下。門口都要排下隊，因為店面唔大，但都唔算等好耐，可以排隊時剔咗紙仔點餐先。拉麵可以選直麵、曲麵，亦可選硬、軟、普通3種口感。我地叫咗兩碗拉麵加兩樣小食。黑蒜油札幌味噌拉麵（期間限定） $88材料有火炙豚肉、味玉、蔥、木耳絲、玉米荀、兩片紫菜。湯唔算油，入口咸味剛剛好，亦有淡淡玉米味，加埋黑蒜油感覺味道好豐富，夠晒香口，用嚟送麵一流。豚肉亦恰到好處，唔乾，好好味，配埋隻蛋同其他配料，好快就清晒成碗麵。櫻花蝦拉麵 $88材料有櫻花蝦、火炙豚肉、味玉、蔥、竹荀、兩片紫菜。湯咸得嚟好鮮，同黑蒜油嗰款有少少唔同。櫻花蝦干好多，全部細細粒而且係偏咸，用嚟送麵剛剛好，蔥夠多，成碗都香晒，建議用紫菜包住少少蝦干、蔥同一啖麵，浸一浸湯一口咁食，好正。蜜糖芝麻雞翼 $36雞翼皮夠脆夠香口，加埋上面啲蜜糖甜甜地好好味。黃金丸 （地瓜+香芋）$28一碗有5粒有晒兩種味，作為甜品幾好食，味道亦唔陌生，就係放題食開嗰種炸丸。拉麵同小食嘅品質都控制得唔錯，份量亦足夠
黑蒜油札幌味噌拉麵（期間限定） $88
材料有火炙豚肉、味玉、蔥、木耳絲、玉米荀、兩片紫菜。
湯唔算油，入口咸味剛剛好，亦有淡淡玉米味，加埋黑蒜油感覺味道好豐富，夠晒香口，用嚟送麵一流。豚肉亦恰到好處，唔乾，好好味，配埋隻蛋同其他配料，好快就清晒成碗麵。
櫻花蝦拉麵 $88
材料有櫻花蝦、火炙豚肉、味玉、蔥、竹荀、兩片紫菜。
湯咸得嚟好鮮，同黑蒜油嗰款有少少唔同。櫻花蝦干好多，全部細細粒而且係偏咸，用嚟送麵剛剛好，蔥夠多，成碗都香晒，建議用紫菜包住少少蝦干、蔥同一啖麵，浸一浸湯一口咁食，好正。
蜜糖芝麻雞翼 $36
雞翼皮夠脆夠香口，加埋上面啲蜜糖甜甜地好好味。
黃金丸 （地瓜+香芋）$28
一碗有5粒有晒兩種味，作為甜品幾好食，味道亦唔陌生，就係放題食開嗰種炸丸。
拉麵同小食嘅品質都控制得唔錯，份量亦足夠，絕對會回頭。如在荃灣想食下拉麵，呢間值得一試。
#友拉麵 #荃灣美食 #美食推介 #foodie #foodblogger #foodiehk #hkfood #hkfood
Post
