尚夢・茳煳 (Closed)

最近聽朋友講譚臣道開咗間新派嘅中菜餐廳，所以今日放工就同朋友嚟咗試試，餐廳環境舒適之餘相當乾淨，而且冷氣都非常夠，坐坐下重有啲凍添 😂 洗手間亦非常雅緻同乾淨，大致上非常滿意，之後就試埋啲食物質素。餐牌超級多菜式，諗住想試試皇牌菜紅燒牛臉肉，不過同事想食龍躉多啲，所以牛臉肉留返下次先食。味道濃郁而且非常足料嘅燉湯係杞子淮山雞湯。六件香煎龍躉球，件件都啖啖肉超級正，肉質非常之鮮嫩，食完返唔到轉頭。尚夢終極小炒皇果然無改錯名，用左好多貴食材，有蝦乾、珊瑚蚌、帶子同其他配料，所以食起嚟相當惹味。茳糊炒飯相當有特色，用咗菜甫、蛋白、杞子等材料炒成，味道出奇地相當有驚喜，出面食唔到嘅味道。最後食埋餐廳自家製嘅芝麻糯米糍，為呢餐高級中式晚餐畫上句號。