Video
Read full review
2022-03-28
109 views
《鮨本》聽聞呢間位於銅鑼灣新開既omakase 幾出色，鍾意試新嘢既我緊係唔執輸～～ 因為新開業關係佢地都做緊優惠～ 原本$1288既omakase set 做緊$788～ 於是就叫咗呢個set 試下！店內大部分坐位都係吧枱，可以同師傅互動交流，師傅們都幾熱情善談，氣氛唔錯！🍭前菜3食包括螺肉、蝦啫喱，桃太朗蕃茄～ 師傅細心提示我地按先後次序食：果凍，蕃茄，最後鮮螺～ 前2者酸酸甜甜好開胃，螺肉好大好鮮，唔錯！🍭鮟鱇魚肝鮟鱇魚肝一向係食佢既濃香味，呢個絕對高質，首先我未食過咁大厚身同大份既魚肝，然後食落係好有鮮味，入口勁香，好食！🍭刺身3味包括金鯛，北海道帶子同針魚～後2者真係不得了，北海道帶子勁厚身肥美，底下有檸檬提味，食落香滑鮮甜！針魚爽口，上面有薑同蔥粒😋🍭螢光魷魚茶碗蒸👍👍👍算係我食過數一數二好食既茶碗蒸，亦都係最多餡料既！有蝦、魷魚、菇、丸、蟹柳，元貝，好鮮好食，蛋蒸得好滑好滑！🍭海膽魷魚天婦羅呢款天婦羅真係第一次食😮😮😮 估唔到原來海膽都可以整天婦羅！食落海膽味唔算出，但食到佢既香～ 魷魚好鮮嫩！天婦羅最重要係炸粉薄同脆身，呢個完全合格有多！另外佢仲有香蔥天婦羅都好香口惹味
聽聞呢間位於銅鑼灣新開既omakase 幾出色，鍾意試新嘢既我緊係唔執輸～～ 因為新開業關係佢地都做緊優惠～ 原本$1288既omakase set 做緊$788～ 於是就叫咗呢個set 試下！店內大部分坐位都係吧枱，可以同師傅互動交流，師傅們都幾熱情善談，氣氛唔錯！
🍭前菜3食
包括螺肉、蝦啫喱，桃太朗蕃茄～ 師傅細心提示我地按先後次序食：果凍，蕃茄，最後鮮螺～ 前2者酸酸甜甜好開胃，螺肉好大好鮮，唔錯！
🍭鮟鱇魚肝
鮟鱇魚肝一向係食佢既濃香味，呢個絕對高質，首先我未食過咁大厚身同大份既魚肝，然後食落係好有鮮味，入口勁香，好食！
🍭刺身3味
包括金鯛，北海道帶子同針魚～後2者真係不得了，北海道帶子勁厚身肥美，底下有檸檬提味，食落香滑鮮甜！針魚爽口，上面有薑同蔥粒😋
🍭螢光魷魚茶碗蒸👍👍👍
算係我食過數一數二好食既茶碗蒸，亦都係最多餡料既！有蝦、魷魚、菇、丸、蟹柳，元貝，好鮮好食，蛋蒸得好滑好滑！
🍭海膽魷魚天婦羅
呢款天婦羅真係第一次食😮😮😮 估唔到原來海膽都可以整天婦羅！食落海膽味唔算出，但食到佢既香～ 魷魚好鮮嫩！天婦羅最重要係炸粉薄同脆身，呢個完全合格有多！另外佢仲有香蔥天婦羅都好香口惹味！
🍭壽司10貫
-深海池魚
-生北寄貝，好少可食生既北寄貝，食落煙韌中帶爽口
-右口魚邊+紫菜，呢個好味，滿口魚油豐富🤤
-富山娃甜蝦，特別之處係啲蝦好細隻，有10幾隻，配醋飯，好有咬口！
-金線鯛，即日本紅衫魚
-沙甸魚
-赤貝，好大份，算係食過最好食！
-拖羅，色澤好靚，入口即融
-鯖魚 配昆布葉，好夾
-海膽手卷，啲海膽一啲都唔臭，好鮮甜，高質！
🍭鮑魚伴鮑肝醬
有2大片鮑魚膽同少少既飯～ 重點係鮑肝醬！好香濃又唔膩，師傅特意提醒可以先食鮑魚點鮑肝醬，咁餘下既醬就可以一口飯既時候點晒佢唔會浪費～
最後仲有松茸熱湯，江戶前海綿蛋糕同好甜好甜既蜜瓜作結！呢一餐感受到佢地係用心選取最新鮮食材，簡單唔花巧，堅持傳統日本味道～ 絕對係滿足既一餐！
Post
