Video
Read full review
2019-06-29
624 views
尋日趁男朋友放假去左元朗行山，意外食到一間唔錯既日式小店🎏。午市Lunch Set由$45-88不等，豐儉由人，包一碗湯同前菜，前菜係蛋沙律🥗，有少少黑椒香，幾惹味。-四色刺身丼 $78有三文魚腩、海膽、池魚王同劍魚腩，整體黎講四樣都好新鮮🌊。三文魚腩非常厚切，脂肪度岩岩好，三文魚味濃；海膽入口清甜帶甘，完全無腥味；最有驚喜既係劍魚腩😻，肉質結實有口感，入口滿滿都係油脂香🤤。-火焰丼 $68有三文魚、左口魚、鰻魚同飛魚籽。刺身炙燒過之後帶少少油脂香🤤，鰻魚厚切啖啖肉，醬汁調配得好好。-炙燒焦糖鵝肝壽司 $36呢個要趁熱即刻食左佢，外脆內軟既感覺太美好❤️✨。鵝肝又厚又肥美，但入口一啲都唔會油膩，師傅先用焦糖包住鵝肝再炙燒🔥，一黎可以逼走鵝肝既油，二黎燒到焦糖脆卜卜，入口先會食到甜甜地，之後鵝肝既味道隨即湧上😽。焦糖燒得香香脆脆，鵝肝細膩綿密，味道濃郁。無論口感定味道都好有層次，極度推介‼️-厚燒玉子 $32上枱熱辣辣，蛋味香甜，口感嫩滑有層次🥚，一咬仲有拉芝效果，$32有四大件好抵食👏🏻。-京蔥雞肉串 $18燒汁佈滿雞肉🐔，大大粒又Juicy，京蔥好甜配雞肉食一流🍢。-牛肉溏心蛋 $18燒
-
四色刺身丼 $78
有三文魚腩、海膽、池魚王同劍魚腩，整體黎講四樣都好新鮮🌊。三文魚腩非常厚切，脂肪度岩岩好，三文魚味濃；海膽入口清甜帶甘，完全無腥味；最有驚喜既係劍魚腩😻，肉質結實有口感，入口滿滿都係油脂香🤤。
-
火焰丼 $68
有三文魚、左口魚、鰻魚同飛魚籽。
刺身炙燒過之後帶少少油脂香🤤，
鰻魚厚切啖啖肉，醬汁調配得好好。
-
炙燒焦糖鵝肝壽司 $36
呢個要趁熱即刻食左佢，外脆內軟既感覺太美好❤️✨。鵝肝又厚又肥美，但入口一啲都唔會油膩，師傅先用焦糖包住鵝肝再炙燒🔥，一黎可以逼走鵝肝既油，二黎燒到焦糖脆卜卜，入口先會食到甜甜地，之後鵝肝既味道隨即湧上😽。焦糖燒得香香脆脆，鵝肝細膩綿密，味道濃郁。無論口感定味道都好有層次，極度推介‼️
-
厚燒玉子 $32
上枱熱辣辣，蛋味香甜，口感嫩滑有層次🥚，一咬仲有拉芝效果，$32有四大件好抵食👏🏻。
-
京蔥雞肉串 $18
燒汁佈滿雞肉🐔，大大粒又Juicy，京蔥好甜配雞肉食一流🍢。
-
牛肉溏心蛋 $18
燒牛肉燒到半熟，略帶肉汁；
溏心蛋流心度高🥚，蛋香味濃，表面灑上左七味粉好惹味😋。
-
網燒雞泡魚干 $32
比較罕見既佐酒小食🍶，一入口係味醂既甜，咬耐啲又出返雞泡魚既鹹香味🐡。可惜仲未到夜晚，加上一陣要去行山，無咩mood叫酒飲，雞泡魚干配啤酒真係Perfect Match🍻。
Post
