Video
Read full review
2020-06-21
1071 views
因為疫情嘅關係，大家呢排都冇得飛。A姐嗰日講特別掛住日本，無他嘅，有邊個女仔唔鍾意去日本shopping同食嘢啊。為咗一解思鄉之情，我哋今晚決定揀一間日本燒肉餐廳。咁岩見到銅鑼灣新開嘅燒鬼，主打高質和牛日式燒肉放題自助餐，就決定去試吓啦！餐廳以神秘日本民間傳說做主題，所以一入到餐廳就見到有好多唔同嘅鬼怪掛畫同元素，都幾特別。價錢方面，分三個時段，任食兩個鐘，最平每位HK$298，星期六日及公眾假期就HK$308，3至11歲小童享七折優惠，另收加一服務費。牛鬼拼盤平時有啲放題，一去到都會送上一碟肉畀你燒住先，不過質素都唔會好好。最驚喜嘅係燒鬼每枱都會贈送「牛鬼拼盤」，係有八個唔同嘅和牛部位，每人每個部位一塊，真係好高質。隻碟仲非常特別，係用咗個牛頭蜘蛛身嘅設計，切合返鬼怪嘅主題。當中嘅八個部位包括：中腹肉、上小排肉、橫隔肌、上骨肉、內側腹肉、胸腹肉、腹骨肉同前胸肉。和牛肉質細緻軟嫩，脂肪分佈平均，燒完之後，有淡淡的脂肪油香味。食完如果唔夠喉，可以每位加$98任食「牛鬼拼盤」。特別一讚呢度嘅燒肉醬汁，而且特別喜歡蘋果有子紅酒燒汁，有淡淡的果香味，中和燒肉嘅油膩感，提升肉味。而我就特別喜歡蔥
餐廳以神秘日本民間傳說做主題，所以一入到餐廳就見到有好多唔同嘅鬼怪掛畫同元素，都幾特別。價錢方面，分三個時段，任食兩個鐘，最平每位HK$298，星期六日及公眾假期就HK$308，3至11歲小童享七折優惠，另收加一服務費。
牛鬼拼盤
平時有啲放題，一去到都會送上一碟肉畀你燒住先，不過質素都唔會好好。最驚喜嘅係燒鬼每枱都會贈送「牛鬼拼盤」，係有八個唔同嘅和牛部位，每人每個部位一塊，真係好高質。隻碟仲非常特別，係用咗個牛頭蜘蛛身嘅設計，切合返鬼怪嘅主題。當中嘅八個部位包括：中腹肉、上小排肉、橫隔肌、上骨肉、內側腹肉、胸腹肉、腹骨肉同前胸肉。和牛肉質細緻軟嫩，脂肪分佈平均，燒完之後，有淡淡的脂肪油香味。食完如果唔夠喉，可以每位加$98任食「牛鬼拼盤」。特別一讚呢度嘅燒肉醬汁，而且特別喜歡蘋果有子紅酒燒汁，有淡淡的果香味，中和燒肉嘅油膩感，提升肉味。而我就特別喜歡蔥醬油，好香日本京蔥嘅味道，提升牛肉嘅鮮味。另外仲有辣味增醬，不過我哋覺得味道較重，遮蓋咗肉味。
牛鬼拼盤
97 views
0 likes
0 comments
牛鬼拼盤
53 views
0 likes
0 comments
牛鬼拼盤
52 views
0 likes
0 comments
前菜
呢度前菜有枝豆、韓國泡菜、中華海蜇同辣泡菜豆腐。我哋特別推介辣泡菜豆腐，豆腐口感嫩滑，豆味香濃，配合惹味韓國泡菜，非常開胃！
辣泡菜豆腐
24 views
0 likes
0 comments
枝豆
22 views
0 likes
0 comments
刺身
食放題點可以無刺身，呢到嘅選擇都幾多，包括：三文魚、鰹魚、甜蝦、帶子、北寄貝同榮螺片山葵漬。帶子鮮甜彈牙，三文魚肥美，最特別係榮螺片山葵漬，爽口兼有淡淡嘅山葵，正！
刺身
35 views
0 likes
0 comments
榮螺片山葵漬
23 views
0 likes
0 comments
壽司
壽司永遠唔係放題嘅重點，我哋就叫咗比較特別嘅明太子醬炙燒帶子壽司同柚子醬油和牛壽司，兩款都好高質，明太子醬帶出炙燒過嘅帶子鮮味；柚子醬油非常清新，同和牛味道好夾。
明太子醬炙燒帶子壽司+柚子醬油和牛壽司
22 views
0 likes
0 comments
肉類 + 海鮮
話明食日式燒肉，肉類當然係重點。呢度嘅有美國牛肉、鮮雞肉同豚肉，有唔同部位，有辣味噌、醬油、鹽味選擇，我哋比較喜歡醬油同鹽味，食到肉類嘅鮮味。另外，海鮮都非常高質，有海蝦、意式香草醬帆立貝、香蒜牛油廈廣島蠔、日式鯖魚等。我哋首推香蒜牛油廈廣島蠔，大隻厚肉，蠔味香濃。
肉類
33 views
0 likes
0 comments
海鮮
47 views
0 likes
0 comments
野菜
食咗咁多肉，當然要食啲蔬菜中和一下。我哋特別推介牛油雜菌，吸晒啲牛油香味，正！
熊本F1肉眼 + 熊本F1西冷
大家如果想再食豪啲，可以加$100，就可以換購熊本F1肉眼或者熊本F1西冷。嘩！真係原塊切片上，冇花冇假！西冷脂肪比較多，入口即溶；肉眼嘅口感比較豐富，牛味較為濃郁，真係好滿足。
熊本F1肉眼
19 views
0 likes
0 comments
熊本F1西冷
17 views
0 likes
0 comments
（記住Like同Share畀朋友）
By A姐M佬 玩樂日記
Post
