MR. MAKI (金巴利大廈)

Open Now

Now Closed

同FD去尖沙咀行婚紗街，FD話有間細細嘅日本嘢一直有幫襯，地膽有推薦，咁就食哩間啦。哩間鋪頭唔大，裝修都幾靚，嘢食都幾豐富，有日本卷同飯可以揀。FD話要食進擊的鰻魚，我就揀咗先生牛肉飯，加20HKD左右已經可以包埋一份小食，沙律同飲品。先生牛肉飯好快來咗，小食係炸番薯條同埋搭配咗可樂。牛肉飯好大一份，仲搭配咗洋蔥同沙律，醬汁喺有少少甜味同埋都比得幾多，同牛肉一齊食超match。已經叫咗少飯，但都好大一份，最後都食唔哂。炸番薯條又真係好得意，薯條就食得多，番薯條好少有機會食得到。番薯條送上來仲热笠笠，食落好脆口，同埋啲番薯勁甜LOL，唔洗點茄汁已經超好味。進擊的鰻魚好大一份，有鰻魚，蟹柳，芝士，牛油果同木魚絲。醬汁係普通鰻魚醬味，成件卷食落口感好豐富，估唔到牛油果同鰻魚可以咁夾，真係食到停唔落口。加咗19HKD仲有4件炸雞，以為會細細件，睇到真係O哂嘴，超大一件喎。炸雞係即叫即整，仲加咗芥辣醬，超好味。地膽真係冇推薦錯，真係食得超滿足！