ENSŌ

Open Now

Now Closed

自從西環大變天之後，我都好少再返舊屋，相隔幾年再重返西環呢個地方覺得變化好大，就係舊屋附近多咗好多不同類型嘅餐廳，望住熟悉嘅海旁，我揀咗去到呢間日本餐廳，有少少百感滋味在心頭，因為呢個海邊就係滿滿的童年回憶。餐廳環境簡約，最鍾意佢有吧枱同埋有卡位，午餐時間有套餐，價錢合理，2個人唔係好肚餓食咗個鰻魚飯再叫少少串燒，鰻魚飯以定食形式上枱，鰻魚燒得剛剛好，而且份量都幾大，好香好味，饅魚無骨厚肉，燒汁送飯成個定食輕易食晒。不得不讚除咗鰻魚飯好食，連配菜都好出色，最欣賞係佢嘅海鮮麵豉湯，唔係普通麵豉湯只係得鹹味，好有鮮甜嘅海鮮味好好飲。串燒驚喜地精彩，牛舌厚切，勁彈牙而唔un仲超有牛味，一級推介。雞腎勁爽口好入味，雞軟骨一口一粒，如果夜晚送酒真係一流。最後讚下佢燒明太子，少少辣勁開胃，忍唔住最後叫咗個白飯送黎食，勁好味。呢間餐廳絕對高質，我直頭覺得比起銅鑼灣好多日本餐廳仲要好味，下次再回舊屋一定要夜晚來飲酒食串燒。