Lockeroom Dining (朗晴坊) (Closed)

嚟開旺角，就搵一間樓上Cafe同朋友傾計食飯，喺朗晴坊呢間Cafe就腳得黎又唔會太貴，而且餐廳裝飾專為足球迷而設，食物質素高👍🏻仲有啲碗碟超靚，啱晒影相😍同朋友兩個女仔叫咗一個dinner set，兩個小食同一份甜品，上菜速度幾快，全部餸都熱辣辣。小食叫咗一份黑松露香脆薯角，薯角炸得好脆，加咗超多黑松露，好好味。另一份小食係雞翼🤤有鹹蛋黃同水牛城味揀，兩款都好入味🤤跟餐嘅南瓜湯、蒜香牛油法包、沙律完全驚喜！南瓜湯啖啖南瓜蓉，蒜蓉包烤得好香脆，蒜蓉味夠濃，沙律好大碟，加上黑醋汁👍🏻Dinner set選擇咗香烤牛西冷拼法國鵝肝（五成熟），西冷扒好大份！而且煎得剛好，仲有好多肉汁，鵝肝就唔洗講，超好食🤩配料嘅紫薯蓉、蕃茄、羽衣甘藍都配搭得好好。最後叫咗甜品-心太軟配香草雪糕，心太軟好大件，而且上面仲有朱古力薄片，睇住佢溶好治癒，朱古力味好濃郁，香草雪糕加埋啲脆脆都好好食。