神石燒牛扒水產專門店 (如心廣場二期) (Closed)

🥩今晚既主角係傳統石燒神石美國PRIME牛扒，最靚既牛扒級別之一，一塊好厚，肥瘦均勻，油花十足，柔嫩既肉質愈咬愈濃牛肉味，自己用熱石板燒控制熟既程度，燒到好香，仲可以自己調味！🍢今晚既配角就係豬舌串同牛舌串，兩款都做緊優惠，$12一串，豬舌同牛舌都好厚，豬舌既豬味好重，煙煙韌韌，牛舌愈厚就愈好食，好有咬口，熱辣辣新鮮燒起，好惹味！🫕完整晚餐緊係要有湯，呢度既日式泡菜湯好好飲，韓風感覺其實，泡菜味濃，湯入面真係有泡菜，泡菜湯酸酸辣辣，好開胃，又解滯，飲多幾碗都得，好好飲！🍚要食燒肉就緊係唔可以就咁食，要有啲米糧去解油膩感，白飯係珍珠米，仲可以加啲紫菜碎上去，食食下又一碗啦！