ENSŌ

Open Now

Now Closed

餐廳係堅尼地海旁隔離，係餐廳入面都見到個海景，真係好岩鐘意睇景既我。餐廳將串燒分咗唔同種類，而我每個種類都有試下。😋雞胸軟骨平時食雞軟骨就多，但好少見到雞胸軟骨，但燒完真係好香，而且仲好有咬口，但又吾會太硬，幾特別。😋安格斯牛柳牛柳既生熟程度控制得岩岩好，所以食落都好juicy，而且都好有牛味，但如果肉質再淋啲就更好。😋醬燒豬軟骨豬軟骨好入味，而且個汁仲好香。我見到師傅係將煮熟咗既豬軟骨放下燒烤爐下層燒，所以有一舊就有少少過熟。😋燒鵝肝鵝肝好大件，而且燒得岩岩好，外面有一層皮，增加咗個口感，而個味道都好rich。餐廳仲配咗塊青蘋果，一齊食會減低個油膩感。😋烤羊架賣相好靚，仲有好重既羊酥味。羊架燒得好入味，而且仲好淋，更欣賞既係師傅用咗高質羊架，所以吾會太肥。😋燒雞泡魚乾依個係我每次去食串燒同居酒屋都一定會叫既，但今次真係好有驚喜，因為師傅燒得好好，吾會成塊乾晒，同埋有甜甜地既調味，真係好岀色。😋明太子飯團飯團略微有啲乾