The Grill Room (The Humphreys)

Open Now

Now Closed

朋友想鋸扒今晚帶我來依間樓上西餐廳。是日去到無咩位安排了坐BAR枱，對住個廚房看住幾位廚師忙過不停，我地就鋸住扒慢慢歎又幾過癮的。這裡的牛扒唔平但就物有所值，大大塊牛扒微微的焦香，合上眼又想回味一番～巴馬火腿配溫泉蛋黑松露露筍沙律 $78冷盤小食，露筍幼身口感軟嫩清甜，60度處理的溫泉蛋蛋黃晶瑩有著蜜糖質感，被咸香味美的巴馬火腿捲住，加上少許芳香的黑松露，吊出味來口感配搭完美，值得一食。燒美國安格斯肉眼扒配黑松露薯蓉 $33816安士肉眼扒份量十足，燒至七成熟肉質粉嫩，網燒坑紋賣相靚仔，厚切口感啖啖肉，牛味濃郁，食肉獸一定鍾意。配埋燒汁和香草汁兩款醬汁可蘸，原味食都已經好好食。仲有黑松露薯蓉，口感細滑，非常美味。慢煮三文魚配香草乳酪汁伴小麥米 $$198慢煮關係三文魚肉質嫩滑唔乾身，帶點魚油香亦唔腥，與雜菜沙律一起食減卻油膩感不少，仲有兩片甘桔清香可口味覺有驚喜。碟底好多細粒粒的小麥米口感煙韌，沙拉醬汁底酸甜開胃，唔錯。