Video
Read full review
2024-07-05
177 views
中環soho區有好多唔同類型餐廳，今日就同老公去左間樓上意大利餐廳食晚飯。餐廳歐式裝修，燈光柔和舒服，坐位有室內同室外。室外景觀有大館等歷史建築，另外逢星期四、五同埋六夜晚仲有 live band表演，環境同氣氛幾唔錯。餐牌選擇都OK，可散叫，而dinner set就可叫3 courses ($398)或4 courses ($498)。3 courses包括沙律或頭盤 + 薄餅或意粉 + 甜品，而4 courses就多左個牛排。我哋就叫左4 courses，呢個價錢食到正宗意大利菜，我哋就覺得抵喇。另外主廚是外國人，上完主菜後會問每枱客人味道如何，有甚麼意見，可見餐廳用心經營，主廚好nice。Borgo Imperiale Prosecco, NV, Italy：來自意大利嘅氣泡酒，老公話果香味重，唔太甜，口感清新。Polpetoni：自家製安格斯牛肉丸，安格斯肉碎粒好瘦，肉味濃，意式蕃茄醬汁甜味重，配上巴馬臣芝士好香，好好食。Frutti di Mare：海鮮意大利粉有帶子、大蝦、魷魚、青口同蜆等，充滿海鮮鮮味。意粉用左白酒同橄欖油炒，意粉彈牙，味道好香，好好食。Gamberi (
餐廳歐式裝修，燈光柔和舒服，坐位有室內同室外。室外景觀有大館等歷史建築，另外逢星期四、五同埋六夜晚仲有 live band表演，環境同氣氛幾唔錯。
餐牌選擇都OK，可散叫，而dinner set就可叫3 courses ($398)或4 courses ($498)。3 courses包括沙律或頭盤 + 薄餅或意粉 + 甜品，而4 courses就多左個牛排。我哋就叫左4 courses，呢個價錢食到正宗意大利菜，我哋就覺得抵喇。另外主廚是外國人，上完主菜後會問每枱客人味道如何，有甚麼意見，可見餐廳用心經營，主廚好nice。
Borgo Imperiale Prosecco, NV, Italy：來自意大利嘅氣泡酒，老公話果香味重，唔太甜，口感清新。
Polpetoni：自家製安格斯牛肉丸，安格斯肉碎粒好瘦，肉味濃，意式蕃茄醬汁甜味重，配上巴馬臣芝士好香，好好食。
Frutti di Mare：海鮮意大利粉有帶子、大蝦、魷魚、青口同蜆等，充滿海鮮鮮味。意粉用左白酒同橄欖油炒，意粉彈牙，味道好香，好好食。
Gamberi (set dinner +$38)：手製pizza即叫即做，餅底鬆軟。薄餅有蝦、意大利水牛芝士同布拉塔芝士等配料，大蝦新鮮爽口，水牛芝士軟身煙韌，加埋手工蕃茄醬，整體口感濕潤，每啖都食到配料，好豐富。
Punta d’ Anca：叫左medium rare，牛扒用左牛臀尖，呢個部位係比較肌肉豐富，肉質鮮嫩，口感滑同爽，脂肪亦剛好，咬落有爆油感，調味剛好，唔駛加配鹽同醬汁都已經夠味道。
Tiramisu Classico：經典Tiramisu口感軟綿濕潤，甜度剛好，呢個就係意大利風味。
西瓜及蜜瓜：免費贈送，食完甜品仲有生果，真係覺得好開心。
Post
