蠔灣 (Virtual Shop)

Open Now

Now Closed

估唔到食蠔都有得外賣自取，為左慶祝生日為左特別鍾意食生蠔嘅朋友，今次試呢間「蠔灣」，餐廳搜羅世界各地時令生蠔及海鮮，從而食到非常高質素嘅蠔，真係超開心，好推介比大家。首先要讚packing上，食蠔仲要外，食物安全最緊要，而呢間餐廳好細心嘅包好食物，確保食物安全同質素，即使我係好耐車程先反到屋企，打開依然無問題，有絕對足夠嘅冰去保鮮，食完完全冇事添！仲要個包裝好靚，估唔到打開個盆仲要識着燈，打卡一流。其次職員好好人，教曬你點食，咩次序食，令到你食得更滋味，而且令到食物質素大大提高。講反食物上，有五款生蠔、紅蝦、車厘蜆同北海道帶子，每樣兩件。生蠔隻隻都勁大隻，特別係西班牙生蠔，真係有手掌咁大，每款蠔都好鮮味，啖啖海水味，充滿蠔嘅鮮甜味道，餐廳又清洗得好好無殼同沙。而帶子大大粒，紅蝦鮮甜，蜆肉鮮嫩，質素上來講媲美高級餐廳水準。總括嚟講，真係好好食，都無咩可以挑剔，絕對抵讚，可以將咁多唔同國家而又可以新鮮食用嘅刺身食材生蠔放埋一齊帶返屋企，作為周年紀念或者生日慶祝，用嚟二人世界，絕對係超級推介！