胡爐 (Closed)

前幾日同幾個朋友去開尖沙咀，梗係去打個邊爐先啦，又可以滿足到我食辣嘅慾望，又可以坐埋一齊吹吓水。見到有間火鍋推出半放題，主打高級食材同新鮮食材，於是就同朋友入咗去試一試。惹味雞煲同其他嘅火鍋放題差唔多，一開始會食咗個煲先，之後再食火鍋。煲底可以揀雞煲、鴨煲、蜆煲。選擇嘅種類都幾多，食雞煲食到悶嘅朋友可以選擇去食其他嘅煲底。但係我最後都係揀咗雞煲，因為自己最鍾意食雞，辣到就揀咗中辣，食辣都幾辣，味道濃郁，幾唔錯。至尊拼盤除餐會送上海鮮拼盤，時令海鮮有五款，有蠔有鮑魚有元貝，海鮮幾新鮮大大隻，用呢個價錢可以食到海鮮都幾抵。仲有黑毛豬豚肉、牛舌心、澳洲和牛，肉質幾靚，食落口感濃郁。手工丸餃個人會特別推介，有黑松露墨魚丸、手打蝦丸、芝心丸、泰王鮮蝦雲吞、XO醬帶子餃、魚皮餃，食材用料非常高質，每樣丸同餃入邊都會放好足料，同非常新鮮，味道濃郁，入口彈牙，正。任食火鍋打邊爐嘅時候會用返煲底作為湯底，店員會幫你加上上湯，將原本煲底用嘅醬汁，用嚟做返湯底，所以火鍋嘅湯底都幾濃味，又辣又重雞肉味。火鍋料有啲可以任點，大部份嘅火鍋料質量都幾高，同一般嘅放題唔同，每樣嘢食都好新鮮。我自己個人就會特別推介炸響