Video
Read full review
2023-07-04
4721 views
💪🏻 琵琶鵝 ($880)(需提早預訂)琵琶鵝同普通燒鵝唔同，會將切開一半，再秘製醬汁去醃同吊乾，之後先再拎去燒，外觀就似一個琵琶，所以非常花功夫，心機小菜。燒鵝燒得個皮非常脆身，而且鵝嘅肥膏都好厚，鵝油味香濃🤤 即使減肥都要試一舊連皮🤣 而且肉質都燒得啱啱好，肉質嫩滑多汁😋 佢個酸梅醬都偏酸，所以可以中和番燒鵝嘅油膩。但食得太多都會覺得濟。💪🏻 腐乳流心蝦丸($218)呢個蝦丸比較特別，用腐乳醬做餡，腐乳味同蝦丸都好夾，唔會覺得奇怪，腐乳味香😝 不過腐乳醬偏稀，個人認為如果杰身少少就可同蝦丸一齊食得更好。💪🏻 意大利黑醋肉排($208)意大利黑醋好香，酸味突出，所以食落甜甜酸酸好開胃😋 肉排唔多骨，啖啖肉，而且冇特登炸脆外面，唔會食到粉漿。💪🏻 大良炒鮮奶($168)呢個小菜有少少失望，炒鮮奶冇奶味，調味都唔足夠，偏淡，感覺似食賽螃蟹，唔推薦！💪🏻 勾魂叉($188)呢個勾魂叉特別之處，係會係食之前再用陳皮南乳百花蜜醬搽係叉燒面，之後再用火槍燒燶佢，呢個過程打卡一流🤣 呢個蜜醬聲稱用15年陳皮製成，食落有淡嘅陳皮香味，但如果點太多都會偏咸。叉燒剛燒完就即刻食，帶有少少焦香，非常香口，
💪🏻 琵琶鵝 ($880)(需提早預訂)
琵琶鵝同普通燒鵝唔同，會將切開一半，再秘製醬汁去醃同吊乾，之後先再拎去燒，外觀就似一個琵琶，所以非常花功夫，心機小菜。燒鵝燒得個皮非常脆身，而且鵝嘅肥膏都好厚，鵝油味香濃🤤 即使減肥都要試一舊連皮🤣 而且肉質都燒得啱啱好，肉質嫩滑多汁😋 佢個酸梅醬都偏酸，所以可以中和番燒鵝嘅油膩。但食得太多都會覺得濟。
💪🏻 腐乳流心蝦丸($218)
呢個蝦丸比較特別，用腐乳醬做餡，腐乳味同蝦丸都好夾，唔會覺得奇怪，腐乳味香😝 不過腐乳醬偏稀，個人認為如果杰身少少就可同蝦丸一齊食得更好。
💪🏻 意大利黑醋肉排($208)
意大利黑醋好香，酸味突出，所以食落甜甜酸酸好開胃😋 肉排唔多骨，啖啖肉，而且冇特登炸脆外面，唔會食到粉漿。
💪🏻 大良炒鮮奶($168)
呢個小菜有少少失望，炒鮮奶冇奶味，調味都唔足夠，偏淡，感覺似食賽螃蟹，唔推薦！
💪🏻 勾魂叉($188)
呢個勾魂叉特別之處，係會係食之前再用陳皮南乳百花蜜醬搽係叉燒面，之後再用火槍燒燶佢，呢個過程打卡一流🤣 呢個蜜醬聲稱用15年陳皮製成，食落有淡嘅陳皮香味，但如果點太多都會偏咸。叉燒剛燒完就即刻食，帶有少少焦香，非常香口，而且叉燒用靚梅頭製成，每舊非常厚肉，食落超級腍，肥瘦均勻，肉汁豐富🤤 勁想再encore嘅一個叉燒🥹
侍應都建議可以連埋白色脆米一齊食，但食落冇太大分別。
💪🏻 蘿蔔糕炒蟹($418)
蟹唔算多肉，但有蟹嘅鮮味😋 蘿蔔糕應該係餐廳自家製，好足料，而且炸到外皮脆身，再同蟹一齊炒，粒粒均衡，唔會炒到爛晒，微脆嘅外皮食落口感豐富，撈埋炒蟹嘅醬汁夠晒鮮味。
💪🏻 啫啫芥蘭煲($138)
啫啫煲係用蝦醬去整，上枱時已經超香蝦醬味😍 芥蘭配蝦醬嘅咸鮮味係好夾，唔會先太大咸，而芥蘭都煮得夠淋，炒得好有鑊氣！
💪🏻 炸瑤柱絲蛋白炒飯($188)
滿滿嘅瑤柱絲，而且炸到脆卜卜，非常香口，配埋蛋白飯一齊食口感豐富！ 唔洗餸撈飯都可以食晒一大碗😋
整體黎講，呢間中菜係幾高，由其燒味/傳統菜式做得幾出色😋 所以都適合一家人過時過節黎食都可以。不過部分菜式嘅價錢都偏貴嘅。
味道：8/10
性價比：4/10
食住瘦指數：💪🏻/5
琵琶鵝
70 views
0 likes
0 comments
勾魂叉
70 views
1 likes
0 comments
意大利黑醋肉排
65 views
0 likes
0 comments
蘿蔔糕炒蟹
56 views
0 likes
0 comments
腐乳炸蝦丸
35 views
0 likes
0 comments
大良炒鮮奶
18 views
0 likes
0 comments
啫啫芥蘭煲
17 views
0 likes
0 comments
炸瑤柱蛋白炒飯
20 views
1 likes
0 comments
Post
