日本野 (Closed)

今晚同好姊妹去食日本野🥰🥰之前見到人哋食石燒牛好吸引，所以我哋特登來試吓，叫咗兩個定食再加少少小食兩個人食到好飽好滿足☺️🧡石燒霜降吉列牛小排 定食🧡呢個係我哋今晚嘅重點😂😂 店員點火後等石燒到夠熱，就可以放上牛小排，最正係可以按自己喜好生熟程度決定燒幾耐。個吉列牛小排肉質好嫩好正，點佢哋配的燒肉汁好夾。個定食仲包左 湯/ 沙律、日本米飯🍚、溫泉蛋/溏心蛋。🧡精選壽司拼盤 定食🧡有六件壽司🍣 （左口魚、油甘魚、章紅魚、甜蝦、吞拿魚魚蓉、三文魚籽），每款都幾大件，全部都好新鮮。呢款定食包左 胡麻醬烏冬、溫泉蛋/溏心蛋。追加小食：💛三文魚刺身💛💛厚燒鰻魚玉子💛呢度除咗石燒牛出名之外佢哋嘅壽喜燒都好似唔錯，晚餐除咗定食set 外，Menu仲有其他選擇。