Video
Read full review
2019-03-03
913 views
Uncle生日飯，搵晒港九新界不同嘅中餐，想特別一D，因為uncle 對食物都好有要求，最後發現呢間既相特別少，但係係一間私房菜，所以最後決定試試。由於真係冇乜食評同埋相，所以打電話俾店主問下有冇一啲package嘅參考，最後做咗一份$5000一圍嘅餸菜，絕對夠12人食。汽水任飲，自帶酒水無需開瓶費，無切餅費。依個鮑魚棧鮑魚夠入味，有肉碎薦底，加埋個西生菜，簡直係一個高級嘅生菜包。杏汁豬肺湯大家飲唔少，呢個係一個好高質素嘅版本，啲材料好似唔駛錢咁，真係多到食都食唔晒，特別係啲豬肺，值得一讚豬肺洗得好乾淨。叉燒妹最鍾意食叉燒，特別叫一碟俾佢食。呢個秘製叉燒基本上無用醃肉粉醃過，所以肉質比起出邊食到既會比較硬身啲，不過依叉燒黎計已經係好淋，味道絕對冇問題，唯一可以做得好啲就係個叉燒可以燒得狠啲，即係帶少少燒焦，不過個人覺得已經足夠。佢用嘅蚌唔係冰鮮蚌，真係新鮮嘅蚌拆殼即炒，所以好好食。呢碟餸睇相已經足夠，唔需要多講，瑤柱好大粒，髮菜同埋生菜嘅味道好夾。初時e碟魚嘅時候，都驚緊佢比條一斤多少少嘅沙巴仔，點知出到嚟有成兩斤幾三斤，絕對夠12個人食，師傅功力好到，蒸到啱啱離骨，豉油味道唔會特別濃
由於真係冇乜食評同埋相，所以打電話俾店主問下有冇一啲package嘅參考，最後做咗一份$5000一圍嘅餸菜，絕對夠12人食。汽水任飲，自帶酒水無需開瓶費，無切餅費。
孫家鮑魚棧
69 views
0 likes
0 comments
依個鮑魚棧鮑魚夠入味，有肉碎薦底，加埋個西生菜，簡直係一個高級嘅生菜包。
豬肺湯
65 views
0 likes
0 comments
杏汁豬肺湯大家飲唔少，呢個係一個好高質素嘅版本，啲材料好似唔駛錢咁，真係多到食都食唔晒，特別係啲豬肺，值得一讚豬肺洗得好乾淨。
秘製叉燒
61 views
0 likes
0 comments
叉燒妹最鍾意食叉燒，特別叫一碟俾佢食。呢個秘製叉燒基本上無用醃肉粉醃過，所以肉質比起出邊食到既會比較硬身啲，不過依叉燒黎計已經係好淋，味道絕對冇問題，唯一可以做得好啲就係個叉燒可以燒得狠啲，即係帶少少燒焦，不過個人覺得已經足夠。
翡翠蚌片
65 views
0 likes
0 comments
佢用嘅蚌唔係冰鮮蚌，真係新鮮嘅蚌拆殼即炒，所以好好食。
發財瑤柱甫
60 views
0 likes
0 comments
呢碟餸睇相已經足夠，唔需要多講，瑤柱好大粒，髮菜同埋生菜嘅味道好夾。
清蒸大沙巴
60 views
0 likes
0 comments
初時e碟魚嘅時候，都驚緊佢比條一斤多少少嘅沙巴仔，點知出到嚟有成兩斤幾三斤，絕對夠12個人食，師傅功力好到，蒸到啱啱離骨，豉油味道唔會特別濃，條魚好新鮮好滑。
黃金海蝦
59 views
0 likes
0 comments
個人覺得呢跌個黃金蝦嘅蛋黃唔夠，不過其他座上客就覺得已經好足夠，個人口味，不過呢碟係唯一一碟食唔晒嘅餸，可能因為份量真係太多。
鴻運脆皮雞
46 views
0 likes
0 comments
呢碟雞真係高潮，皮脆肉亂，基本上好少喺出邊街鋪食到嘅一碟炸子雞，炸得啱啱熟，正。
金菇炆伊面
67 views
0 likes
0 comments
特製炒飯
56 views
0 likes
0 comments
伊面同炒飯都唔特別講，都係好好食，個人比較鍾意炒飯，炒得啲飯粒分開但係又唔會過乾。
生日蓮蓉壽桃包
75 views
0 likes
0 comments
由於生日飯，所以有安排左壽桃包，個人對甜品普通，尚算正常，冇投訴。
個地方基本上應該係一個住宅，全層都係佢即，搵嘅時候都唔太困難，廚房唔係特別大，而食飯嘅地方大概有放到兩張大枱，足夠20幾30人。我哋生日飯當日一共12人， 10個大人2個小朋友，基本上包場，因為只有我哋e張枱。如果你喜歡可以早少少到，因為可以打麻雀同埋唱K。最後臨走前買咗一樽XO醬同埋辣醬，都係好好食。店主非常好人，下次有大Gathering一定會再考慮。
Post
