三代目 (港運城)

Open Now

Now Closed

同朋友去北角買嘢，經過港運城，見到有間日式拉麵店三代目，朋友話不如入去試吓，餐廳裝修好有和式風情，提供多款日本特色料理。豚肩叉燒拉麵，麵條及湯底均是即日新鮮製造，豬骨湯底熬製超過10小時，湯頭濃郁豐厚腴惹味。麵條相當有咬口。豚肩肉質軟嫩，肉味濃郁• 油花分佈均勻，入口即溶而且不油膩。紫蘇燒豚梅肉拉麵採用肥瘦筋分佈平均的梅肉，再經炙燒釋出油香，食落更加香口，不會過分油膩。因為拉麵加入咗紫蘇，非常清新，可以中和返個油膩感。鰻魚雙霸雙霸白鱔和蒲燒鰻，一次過可以食到兩款口味。白鱔厚肉，食得出有炭燒香味，至於蒲燒個醬汁好惹味，肉質更加嫩滑。海之天婦羅蝦、鯛魚、黑松露帶子、墨魚、紫蘇葉。天婦羅炸得香脆唔會油膩，最特別係黑松露帶子，喺外脆內嫩嘅帶子中間釀咗香濃嘅黑松露醬，味道層次進一步提升。蘋果焙茶，茶味濃郁略帶淡淡蘋果香。白桃梳打帶有天然桃味和香氣。