尚牛

Open Now

Now Closed

我好少寫食評，但呢間真係要寫。呢間餐廳隱身喺一條小巷裡面，唔留意睇好易錯過。裡面有石板吉列牛定食（可唔吉列），又有小火鍋。我已經食過好多次，每次都keep到水準，牛肉質素好好。加錢可以將白飯升級做尚牛飯，有溏心蛋同奶凍做甜品。尚牛飯係超好食，好食過牛角飯！另外小火鍋用料都好足，個湯底係鰹魚龍蝦整㗎，食完可以加巴馬臣芝士變黑松露芝士坎飯😋甜品奶凍都好好食，培茶味一流！呢間小店價錢唔貴，最重要係服務態度好好呀！食過元朗另一間石板燒排隊名店，但我覺得其實尚牛好食啲。舖仔細細位唔多，但絕對推介！