大欖串燒 (Closed)

👩🏻喺IG見到唔少人食呢間放題串燒店。最正係有得燒活海鮮😻🦐🦪。✨高級活海鮮套餐 套餐B $308/位蟶子、鮑魚、扇貝、蠔、蝦、沙白+串燒燒烤放題海鮮拼盤質素超高🤤。蝦肉肉質爽彈，沙白厚肉得嚟有少少海水味。最好味係扇貝，鮮甜彈牙又唔韌。自助區有超過五十款串燒。比較推薦土匪雞翼，孜然粉同五香粉嘅味道都好重😋。牛仔骨超易燒得香口，肉質唔會太韌🤤。雞軟骨爽脆好味，不過就要自己調味喇。餐廳提供🧄蒜蓉牛油蜜糖、🇹🇭泰式青醬、🌶孜然粉辣粉三款調味。佢哋另一款「極上龍蝦活海鮮套餐」仲包括🦞西澳游水龍蝦同埋🦪令和の怪物生蠔。有水槽養住夠晒新鮮。仲可以預約包場開party🎉。下次試下先🤤！