Video
Read full review
2018-02-24
961 views
前幾日（平日）晚上，朋友請食生日飯，揀咗公司附近的餐廳。Amuse 位置較清靜，門口睇落好有格調。入到去感覺好舒服，無壓迫感，寬敞，樓底高，配黃色水晶燈，好高雅。坐低後見有set dinner覺得都好吸引，價錢合理，就落order。個menu太多or，起初以為係3 course meal，原來係5 course meal，不過侍應話份量唔會太大就放心d，最怕食唔哂浪費。之後就上麵飽籃，湯係第二度菜，咁無湯點之下食咗d麵飽(不過都啱，d湯唔係西湯唔適合點湯)。前菜：頭盤各叫咗一份，即開生蠔不過不失，香煎鵝肝伴沙律菜塊鵝肝都幾厚，味道唔錯。湯：朋友點的黑白木耳鵪鶉清湯，我飲咗啖，好似清雞湯，朋友原本都覺得普通，但佢飲完話個 after taste又唔錯；我點嘅是日餐湯係松茸菇湯，幾好飲，而且呢度食物偏少鹽，感覺幾健康。唯一奇怪係無西湯選擇😂意粉：原本諗住分享，不過唔太大份，所以決定各食各。我生日朋友俾我揀先，咁我揀咗香草醬野菌蘑菇意大利扁意粉，好香唔溜，朋友的蟹肉意大利扁意粉配龍蝦忌廉汁好似太溜，見佢唔係特別鍾意食，重有d格硬食，我唔係幾好意思。食完呢道菜都已經飽飽地🙈主菜：我點咗美國西
坐低後見有set dinner覺得都好吸引，價錢合理，就落order。個menu太多or，起初以為係3 course meal，原來係5 course meal，不過侍應話份量唔會太大就放心d，最怕食唔哂浪費。
之後就上麵飽籃，湯係第二度菜，咁無湯點之下食咗d麵飽(不過都啱，d湯唔係西湯唔適合點湯)。
前菜：
頭盤各叫咗一份，即開生蠔不過不失，香煎鵝肝伴沙律菜塊鵝肝都幾厚，味道唔錯。
生蠔，香煎鵝肝伴沙律菜
46 views
0 likes
0 comments
湯：
朋友點的黑白木耳鵪鶉清湯，我飲咗啖，好似清雞湯，朋友原本都覺得普通，但佢飲完話個 after taste又唔錯；我點嘅是日餐湯係松茸菇湯，幾好飲，而且呢度食物偏少鹽，感覺幾健康。唯一奇怪係無西湯選擇😂
是日餐湯：松茸菇湯
33 views
0 likes
0 comments
黑白木耳鵪鶉清湯
41 views
0 likes
0 comments
意粉：
原本諗住分享，不過唔太大份，所以決定各食各。我生日朋友俾我揀先，咁我揀咗香草醬野菌蘑菇意大利扁意粉，好香唔溜，朋友的蟹肉意大利扁意粉配龍蝦忌廉汁好似太溜，見佢唔係特別鍾意食，重有d格硬食，我唔係幾好意思。食完呢道菜都已經飽飽地🙈
香草醬野菌蘑菇意大利扁意粉
46 views
0 likes
0 comments
蟹肉意大利扁意粉配龍蝦忌廉汁
42 views
0 likes
0 comments
主菜：
我點咗美國西冷牛扒配松茸菇忌廉汁，原本叫medium rare，嚟到係medium，但用碳燒，好香口，都ok。朋友的西班牙黑毛豬扒配青胡椒汁，叫我試塊，但我不嬲對豬扒好感欠奉，但最後都俾面試咗啖，估佢唔到，又嫩又多計，完全唔似食緊豬扒，重好食過牛扒
美國西冷牛扒配松茸菇忌廉汁
45 views
0 likes
0 comments
西班牙黑毛豬扒配青胡椒汁
38 views
1 likes
0 comments
甜品：
我地兩個都點咗法式焦糖燉蛋，好好味，夠creamy! 雖然唔係話最最好食，但絕對高分
法式焦糖燉蛋
50 views
0 likes
0 comments
總結：
好滿意的一餐，食物質素高，服務又好，環境舒服又安靜，其他枱都保持低聲浪，唔會騷擾到其他人，好適合2人世界呢。
Post
