Amuse (Closed)

荔枝角搵食除了D2 place和一眾工廈樓上鋪外，還有另一高質選擇。AMUSE位於公路旁，內裡環境優雅高貴，一室英式貴族氣質裝修，以白色及深灰為主，簡潔大方，且樓底夠高，飾有水晶吊燈，氣派十足。下午時陽光從落地玻璃映照入內，更顯金碧輝煌。Set lunch有四款選擇，價錢由$128-$228不等，包括餐湯或沙律、主菜、咖啡或茶，可加$28配是日甜品。先送上餐湯，蘑蘑湯溫度夠熱，味道濃郁，能吃到不少菇菇顆粒，口感豐富，水準不俗。主菜是 香煎三文魚柳配檸檬牛油汁 $128三文魚柳厚身，魚皮煎得十分香脆！焦香酥脆的魚皮下佈滿油脂，連同嫩滑之三文魚肉同吃，啖啖幸福滋味❤️三文魚生熟程度剛好，充滿鮮味，配合檸檬牛油汁挺開胃的，完全不覺油膩，實屬水準之作👍🏻最後餐飲點了杯黑咖啡，餐廳細心地將牛奶另上，咖啡味道香醇濃厚，為這頓優雅午餐畫上完滿句號。相比起在工廈與上班族擠在食肆外排隊，我更愛在這優雅空間好好享受美味午餐，無論環境、食物質素及服務均屬高水準，有機會再試試晚餐。

10-07-2018係我正日生日，我老死同我慶祝生日，今次佢揀左呢間法國餐食set Lunch ，嗯～其實我都係第一次食法國餐咋😎餐前小點：有藍小麵包，餅乾跟住我揀左南瓜濃湯🎃銀雪魚扒龜物🐢佢就揀沙律🥗肉眼扒甜品：朱古力心太軟當日天氣溫度炎熱，幸好地點都近地鐵站，行5min就到😎老老實實呢餐我真係食唔飽，雷聲大雨點小，咁大隻碟得咁少野食，等我仲迫自己慢慢食🤣不過食物品質好好，啲野幾好食👍至於甜品我一向唔嗜，但老友極力推薦話好正！咁就一試啦！又的確唔差既，不過對我黎講就好甜好漏*餐廳服務非常好👍*唔知係部長定經理聽到係我正日生日，心太軟隻碟整得好靚，仲幫我插埋蠟燭🕯️😍thx

餐廳無論環境同食物質素，都遠超乎預期的好。它佈置得優雅整潔，員工態度又善，食物質素更比好多中環的西餐廳好。本人最鍾意它的T骨豬扒，肉質柔嫩，又有肉汁；牛扒質素也非常好。

朋友生日飯，揀左間好有情調既法國餐廳，非常適合幾個朋友一齊慢慢食，邊食邊傾計。炭燒肉眼扒肉眼扒既脂肪分佈均勻，夠肥美，肉味油香平均，入口甘香鬆化。配埋佢個秘制醬汁，絕配！呢個燒豬非常出色，豬皮燒得勁香脆，豬腩肉帶軟骨，爽嫩有嚼勁，肉味自然，充滿層次，整體屬水準之上！而且份量都幾多，好大舊，無乜肥膏唔會漏燒春雞出面d餐廳既燒春雞好多時都會燒到好乾，但呢間餐廳燒得岩岩好，皮脆，一撕開勁多肉汁流出黎，就算係雞胸位都唔會嚡口，好香好好食。值得一試既餐廳，有好多比較少見既菜式，推薦

未食過咁難食嘅西餐，估唔到第一次寫食評就要獻比依間嘢。個湯，沙律同包都叫正常。我同女朋友一人一個main course。本人嘅牛扒，睇落幾靚嘅，味道都ok嘅但係件扒好多根，長期食依塊野都好似要鋸木咁先切得開，真係用盡九牛二虎之牙力，先勉強食得完依個魚係我女朋友嘅依個魚先精彩成件魚好似木魚，好硬好乾，個汁好“傑“，仲有啲腥味，真係好難食，真係好難食，真係好難食。已經食到唔想再影相個甜品係黑森林蛋糕，中間果個醬，好酸。真係會永久blacklist依間嘢。

前幾日（平日）晚上，朋友請食生日飯，揀咗公司附近的餐廳。Amuse 位置較清靜，門口睇落好有格調。入到去感覺好舒服，無壓迫感，寬敞，樓底高，配黃色水晶燈，好高雅。坐低後見有set dinner覺得都好吸引，價錢合理，就落order。個menu太多or，起初以為係3 course meal，原來係5 course meal，不過侍應話份量唔會太大就放心d，最怕食唔哂浪費。之後就上麵飽籃，湯係第二度菜，咁無湯點之下食咗d麵飽(不過都啱，d湯唔係西湯唔適合點湯)。前菜：頭盤各叫咗一份，即開生蠔不過不失，香煎鵝肝伴沙律菜塊鵝肝都幾厚，味道唔錯。湯：朋友點的黑白木耳鵪鶉清湯，我飲咗啖，好似清雞湯，朋友原本都覺得普通，但佢飲完話個 after taste又唔錯；我點嘅是日餐湯係松茸菇湯，幾好飲，而且呢度食物偏少鹽，感覺幾健康。唯一奇怪係無西湯選擇😂意粉：原本諗住分享，不過唔太大份，所以決定各食各。我生日朋友俾我揀先，咁我揀咗香草醬野菌蘑菇意大利扁意粉，好香唔溜，朋友的蟹肉意大利扁意粉配龍蝦忌廉汁好似太溜，見佢唔係特別鍾意食，重有d格硬食，我唔係幾好意思。食完呢道菜都已經飽飽地🙈主菜：我點咗美國西

今日同事生日，大家諗住搵間好少少既西餐廳賀一賀，所以大家就決定黎Amuse試試，因為大家都話每次經過都好似好高檔，但餐牌都係百幾數，算合理去到睇餐牌，set lunch選擇唔多，得1. 煙肉忌廉意粉女$1282. 煎鱸魚 $ 1483. 春雞 $1684. 牛扒 $228以上價錢包沙律或湯 及 餐飲我選擇左蟹肉西蘭花忌廉湯，飲湯前，都有籃麵包，有幾款選擇，跟住個湯，都好好味，賣相亦ok，見同事既煙三文魚沙律都好靚，份量都好足到主菜，真係每個人都呆哂，真係好難想像一間望落咁靚既西餐廳，竟然會放企一碟可以話比扒房更冇heart既主菜，最吸精就係嗰埋望上去白烚既紅籮白同小粟米，上面嗰埋係煎過既荷蘭豆，嗰一大堆配菜但春雞得細細舊，其實色香味真係好重要，一放上枱求其既震撼真係令人對嗰碟野冇哂好感，到大家食魚啦，春雞啦，又或者牛扒都好，大家都覺得差，唔會再有下次，因為每樣野係好急凍feel, 我食既春雞都係除左啲汁有味之外，實在....咁多位同事都表示好似冇食過野咁其實呢區好多都收緊百幾蚊既西餐廳，我地都係第一次遇到咁既質素，真係好失望

食法國餐 俾我感覺好貴 一直都想搵一間平平地ge食終於 某日係了次催促朋友下 😂搵到呢一間餐廳不算有好華麗ge裝修燈光都暗暗地 好岩靜靜地傾下計我地揀左平日夜晚食 所以餐廳更加少人同朋友2人叫左個set dinner同意大利飯share餐前麵包 做得好好 上到黎時候仲係熱到出煙好軟熟 唔似係叮出黎 可惜冇影到相到前菜 我地揀左即開生蠔 如圖 生蠔唔算細隻加埋檸檬汁 食起黎更加開胃 食唔出有海水味餐湯 周打魚餐？我冇飲到 俾唔到comment 聽朋友意見 材料豐富 口感creamy 食完前菜到 小主菜（？）呢個係我個叫法😂😂有羊扒 廚師處理得非常好熟成度岩岩好 唔會太生又唔會熟到咬唔到仲保留左少少炭燒ge味道一咬落去仲保留左羊本身ge肉汁 加上配菜菇 同茄醬 出奇地配合不過唔夠蘇味 如果唔鍾意羊蘇味應該好鐘意食到主菜 牛扒 5成熟同羊扒一樣 處理非常合當配菜新鮮香甜 值得一提 佢地個芥未汁好好食配牛扒一流呢個係我地另加ge意大利飯意大利飯好有咬口唯一美中不足係 黑松露味道唔突出食到呢度我地2個已經飽飽地最後仲有一個甜品味道就mama地整體好滿意今次ge晚餐 waiter都好主動跟餐 汁枱

當晚同朋友都叫左2個Set Dinner，本身都以為唔飽，但我錯了！餐前送嘅麵包盤係熱既，都食得出係自家製。頭盤嘅生蠔非常鮮甜，無腥味！餐湯叫咗洋蔥湯，十分之有驚喜，因為是正宗的法式洋蔥湯，有麵包入面，有少許芝士去焗。另外個蘑菇湯就不過不失，普普通通啦。(另外自己加左鵝肝，少少熟左d，味道都唔錯，不過再軟身少少就好啦)主菜我同友人分別叫了牛扒及羊扒，份量足，而且生熟程度符合我們所要求！甜品又係夠份，唔會細細件。一句講哂，有心思，有下次！

$168 慢煮羊膝 前菜係沙律🥗都幾多牛肉喎！但係嗰啲dressing 太甜啦！但係都其實好滿意～我好鍾意食慢煮嗰啲嘢。lam得來又唔會好肥！呢個羊膝幾好味但係太少啦！得4片😭😭我想補血不過啲菜都唔錯 幾嫩口同埋幾好味！最重要係唔多油！呢度服務都好好呀😘 環境都係！good meeting place

為慶祝新同事入職,上星期上Openrice 查找有水準食店.見此店網上好評如潮及不少留意評為有水準及屹立6年實力法式餐廳.也看過大家的食評，見午市餐目賣相不錯及價錢或為合理午市水平。經查看食評,最後鎖定Amuse及預約留座.今日天氣略差,但不礙同事滿心期待的心情,一行十多人去食法國菜。餐目set Lunch 只有5項可以選擇, 價錢平均為$160未計算加一服務費。一坐下便提供餐包及牛油,牛油不是獨立包裝而是填滿一小杯,感覺很Premium.當打開餐目一看,發現價錢升幅不小,”英國乾式熟成頂級肉眼扒配黑椒汁”的售價比之前店內同類午餐貴了53%，叫價$238(之前好像是$155)。我相信選擇定位於荔枝角區工業大廈應為降底租金成本，如此價錢，估計店家是為提供較佳原料及食品供應?大家都選定餐目,不久便先送上沙律/湯品，沙律太酸是醬油太重手了吧, 湯品感覺相比起是法式更像是中式燉湯品!?我們也有同伴叫 “扒美國豬扒配百里香草汁” $168，上菜時大家也大為驚呆。豬扒本身很薄很小而且口感很乾，明顯地有點過了火。魚柳的辣椒汁沒有什麼味道及比較像超市貨品,沒有口感.配菜中有 紅蘿白粒，椰菜花及西蘭花，

咁啱喺荔枝角附近放工， 諗起呢間餐廳， 同朋友走嚟試下， 以為好好彩有table, order 咗兩個set dinner, 每人試一樣，share嚟食， 悲劇就發生喇..(對唔住，太冇feel，無影相)總括我真係唔會想俾$450 per head去食咁樣質素嘅餐廳，非常非常之後悔， 我提議各位巴打都嚟試下，分享下感受呀?頭盤 ( 叫做最好食㗎啦）- 蟹餅一客: 普普通通- 新鮮生蠔兩隻: 味道唔錯成餐最好，不過叫之前問過侍應呀叔係邊款蠔，佢答我: 一隻係翡翠，另一隻叫水晶....我呆咗，當冇問過算..餐湯- 龍蝦蟹肉湯：DLS...苦澀非常， 衰過喺高級超市買英國牌子嘅罐頭蟹湯- 法式洋蔥湯： 味道還算可以， 不過佢個湯入面浸浴咗一舊發曬變咗棉花咁嘅麵包disgusting主菜- 一隻大蝦三塊小鱸魚， 用水烚熟紅蘿蔔，粟米仔及西蘭花: 非常非常之難食！！(冇食完，之後去咗某連鎖餐店買魚柳包食） 個蝦同啲魚全部煎燶嘅，都唔知個廚師煮嘢食前有冇清潔爐具- 燒西班牙伊比利亞豬鞍: 我真係好懷疑個豬係用熱水煮完，跟住再grill 燶佢上碟， 味道勉強可以但係茶餐廳都比佢好食好多。 最後提一提

估唔到餐廳裝修得咁華麗，但係竟然有茶餐廳咁嘅服務態度，店員完全不知所謂！！問佢攞杯水黑口黑面不特止，仲要串番啲客，見高拜見低踩！希望消費者唔好單單睇餐廳嘅表面，服務態度都好緊要！問佢攞小小嘢，臨走嗰陣時唔見野，好心問佢睇下見唔見到，竟然話返我哋轉頭，中華唔知喎！簡直係俾錢受氣！以為咁嘅價錢食物質素都會好啦，點知大煆煎到燶晒，味道普通，一早叫咗佢留甜品，最後同我地話冇晒，一啲服務行業精神都沒有！懇請消費者三思而行！

今日黎到依間每次做gym都經過嘅餐廳試下。因為我地2個勁鐘意食鵝肝嘅關係，我特別留意到佢地鵝肝都幾受歡迎。晚餐有生蠔送，鵝肝整得唔錯唔算過油，生蠔都好新鮮。依個豬脾有荔枝味嘅汁，我覺得佢個汁好正，好特別，無諗過荔枝汁係可以同豬咁match，豬好易咬，而且唔痴牙牛就一般了，扒都幾薄下最後仲有甜品tim其實一餐飯就算食物幾好食，環境幾好，服務幾好都無用，我個日隔離坐住一台四人嘅客，不斷勁大聲講野，加上佢地飲酒，愈飲愈大声，我覺得好辛苦，就連我只係想同我對面個個講一句野都聽唔到，我地一早問可唔可以轉位，佢話冇位轉，亦都冇叫人細声d。所以依餐飯我覺得食左8百幾蚊好似黎聽人吹水自己有幾叻。我一定唔會再返黎食！順便一提，如果撞正係慶祝生日一定大煞風景。

朋友提起餐廳慶祝6週年，2人同行有9折，近日又特別想食法國菜，一於試下candle light法國夜餐.晚餐有4course set dinner, 對於近日食過法國大餐的我，選擇不算太多，但以荔枝角平日來說，已經算有誠意。和朋友分別叫了crab cake 和新鮮Oysters，crab cake 份量較少，多肉小粉當然好食，Oysters 有兩種，有鮮味，不是平價貨。我們加叫一份🐌，朋友非常喜歡，法國旅遊時美好回億吧。洋蔥湯和紅蘿蔔湯都有一定水準，蔬菜味濃。跟著主菜出場，值得一讚的是荔枝厚豬排，味道出色和廚師火候到家，剛剛熟令肉身非常軟，和slow cooking 效果相似。甜品方面，心太軟很對胃口，朱古力蛋糕和流心甜味適中，對喜歡甜點但怕太甜的人來說，是很好味。總括而言，CP值頗高的晚餐。希望遲d去試下新menu.