好燒式串燒專門店 (富祐閣)

Open Now

Now Closed

今日試咗呢間元朗又新街嘅串燒店。睇完餐牌好多都想試，所以叫咗比較多嘢。安格斯牛肋串 $30牛柳串 $22兩款牛都唔錯，鮮味香口又唔乾豬仔脾 （兩枝骨） $42呢個正，調味好香，肉好易離骨，食到乾乾淨淨。魷魚鬚 $28唔硬，好彈牙，味鮮甜燒日本鯖魚 $48燒完唔乾，仲有肉汁，好味鹽燒牛舌心 $48推介，入口爽彈，油香好濃。蒜蓉燒茄子 $40蒜蓉味好濃，燒完成條好香，兩條大大條。串燒豆腐 $22出奇地好食，燒到豆腐面好脆口，醬汁甜甜地好好味黑松露什菇墨西哥薄餅 $52入面好足料，一切開已湧出嚟，松露味香噴噴，配埋濃濃嘅芝士，邪惡得痛快。鹽燒白鱔 $49燒香咗有淡淡嘅魚油香，入口好爽口，少骨。燒芝士龍蝦（半隻）$68燒得剛剛好，龍蝦好新鮮，成條肉好易起出嚟，彈牙爽口。蒜蓉燒蠔 $36隻蠔脹卜卜，咬開好鮮甜，配埋蒜蓉燒勁香什菌燒蠔 $36蠔加菇賣相有啲顏色，幾靚，亦都幾夾。芝士煙肉焗大啡菇 $50芝士配煙肉咸咸香香，芝士封晒啲汁喺入面，一咬開個菇好多汁，好正。朱古力香蕉 $25簡單嘅甜品，香蕉點滿朱古力醬好好味。焦糖燉蛋 $38入口香甜好好味。性價比唔錯，會再幫襯。