罧懿一蘿 (匯景廣場) (Closed)

匯景新開咗間外賣日式小店，主要賣日式丼飯、烏冬、小食，都有好多選擇，老闆見我花多眼亂就介紹我食蕃茄濃湯豚肉烏冬。個蕃茄湯係老闆自家調製，賣相相當吸引，先喝一啖湯，蕃茄味超濃郁，並非味精湯，湯底入面仲有粒粒薯仔、蕃茄碎同椰菜。日式烏冬煙煙韌韌，食一口掛滿蕃茄湯味。豚肉屬半肥瘦，唔鞋口。一碗烏冬只需$62跟紙包飲品或麵豉湯，材料豐富，依家佢地新張期內仲做緊全單九折，好超值。整體黎講，以外賣小店可以做到餐廳既級數確係有意外驚喜，老闆亦好見談可親，期待下次再試佢其他既食物😋