Sky726

約左個好耐冇見既朋友旺角食Lunch，於是搵左間靚境餐廳，地點亦相當就腳，去到既時候冇哂窗口位，開頭仲諗住冇都唔緊要，點知職員超細心，特登幫我地搬開啲位置，用餐體驗即時升級。慢煮雞胸凱撒沙律雞胸唔嚡嫩滑，沙律菜清新爽口，非常開胃。南瓜湯 香濃鮮甜足料，配上熱辣辣餐包。香煎是日餐魚伴百里香忌廉汁 今日係盲曹魚，魚皮煎得好香好脆，魚油豐富，薯菜亦好好食。美國特級安格斯25天熟成西冷扒伴燒汁落單時候職員特別提醒係熟成牛扒，牛味會較濃郁，仲建議熟度，呢一點真心一讚，結果亦冇令人失望，牛味濃厚，肉汁非常豐富，鍾意食牛嘅一定唔好錯過。