壽喜燒·肉屋

Open Now

Now Closed

最近係網上見到尖沙咀新開左間食壽喜燒既餐廳，好鍾意食壽喜燒既我梗係要去潮聖一下入面既裝修好有高級日式餐廳感覺，座位亦都好闊落。今次去左食Lunch Set，分別有特選達摩牛壽喜燒$199同特選達摩牛壽喜燒$249，我地叫左特選達摩牛壽喜燒。🟣前菜分別有胡麻醬豆腐，和牛雞軟骨丸子配甜酸醬同埋薯仔沙律。三樣都好好食，胡麻醬夠香夠濃，而個丸子好有驚喜，一食就知道係手打既丸子，而個醬酸酸甜甜同個丸子好夾，好好食🟠特選達摩牛壽喜燒黎到主角A5達摩牛，牛油脂分布比例平均，而且份量都唔算少。店員會幫手落左D蔬菜同牛先，之後就俾我地自己燒。牛味好濃同埋有入口即融既感覺，好好食呀！另外仲會俾隻日本蘭王蛋，可以撈埋D和牛一齊食。個人認為係香港食和牛比較難食到有入口即融既感覺，而呢度Ｄ牛就可以😍而個壽喜燒汁亦唔會過咸或過甜，好出色。🟡野菜盛合有冬菇、豆腐、芋絲同埋大蔥。芋絲吸哂壽喜燒汁既湯，好濃味又彈牙。🟢飲品叫左２杯特調飲品，外型好靚岩哂打卡！第一杯緋紅琥珀，佢係有紫蘇同檸檬既梳打，唔會太甜，個人幾鐘意呢杯。另一杯叫星紫流砂，有石榴、益力多同蝶石花荼，相對呢杯就甜D，個味道有似提子汁，酸酸甜甜。