Video
Read full review
2022-02-17
914 views
今日喺觀塘買嘢，行過見到有一間裝修得幾好嘅cafe，地方闊落，所以一於同男朋友入嚟食個lunch。由於我哋唔算太肚餓，所以我哋就叫咗一份煙三文魚扒伴雜菜沙律同埋一份蒜辣扒大蝦扁意粉，至於飲品就叫咗一杯Matcha latte 同埋一杯Honey peach fruit tea。呢間餐廳好貼心，會有免費送嘅前菜同埋曲奇畀我哋食，前菜嘅多士整得好香脆，上面嘅配料酸酸甜甜咁樣好開胃，真係好啱做餐前小食。沙律煙三文魚擺得好靚，真係好似一朵花咁，入面仲有好多沙律菜蕃茄仔同埋青瓜，食落好清新，而且都好足料有好多塊煙三文魚。意粉超好食，同埋好大碟，數落有四隻大蝦咁多，大蝦好彈牙，調味亦都好好食，有少少辣，而蒜蓉味亦都好夠。我哋都有叫到甜品，叫咗一份朱古力布朗尼蛋糕，蛋糕上面有合桃，整體夠濕潤，朱古力味好濃，係幾出色嘅蛋糕。飲品都唔錯，蜜桃茶清新，唔會太甜，蜜桃香味天然，而matcha latte 好重 matcha 味， 上面嘅拉花都好靚啱曬用嚟打卡。呢間cafe整體好唔錯坐得好舒服，而且播住音樂氣氛好舒服，超適合同朋友傾計。溫馨提示：原來佢係冇加一架咁樣就真係更加抵，建議嚟開觀塘都可以試下，我諗一
由於我哋唔算太肚餓，所以我哋就叫咗一份煙三文魚扒伴雜菜沙律同埋一份蒜辣扒大蝦扁意粉，至於飲品就叫咗一杯Matcha latte 同埋一杯Honey peach fruit tea。
呢間餐廳好貼心，會有免費送嘅前菜同埋曲奇畀我哋食，前菜嘅多士整得好香脆，上面嘅配料酸酸甜甜咁樣好開胃，真係好啱做餐前小食。
沙律煙三文魚擺得好靚，真係好似一朵花咁，入面仲有好多沙律菜蕃茄仔同埋青瓜，食落好清新，而且都好足料有好多塊煙三文魚。
意粉超好食，同埋好大碟，數落有四隻大蝦咁多，大蝦好彈牙，調味亦都好好食，有少少辣，而蒜蓉味亦都好夠。
我哋都有叫到甜品，叫咗一份朱古力布朗尼蛋糕，蛋糕上面有合桃，整體夠濕潤，朱古力味好濃，係幾出色嘅蛋糕。
飲品都唔錯，蜜桃茶清新，唔會太甜，蜜桃香味天然，而matcha latte 好重 matcha 味， 上面嘅拉花都好靚啱曬用嚟打卡。
呢間cafe整體好唔錯坐得好舒服，而且播住音樂氣氛好舒服，超適合同朋友傾計。
溫馨提示：原來佢係冇加一架咁樣就真係更加抵，建議嚟開觀塘都可以試下，我諗一坐就可以坐一日。
Post
