CHIMAC (QRE Plaza)

Open Now

Now Closed

喺灣仔附近收工， 屋企冇煮飯，要買晚餐返屋企，見呢間韓式炸雞店幾企理，餐牌又吸引又多選擇，就揀咗幫襯呢間嘅炸雞外賣返屋企，揀咗個二人特攻炸雞盒，飲品選咗西瓜梳打同芒果梳打，食韓式炸雞配韓國飲品西瓜梳打不會過甜，有清香西瓜味，揀咗有骨炸雞，呢個係原味，炸雞外脆內嫰，炸漿不會過厚，肉汁豐富，可以揀多1隻味，揀咗經典甜辣味，甜甜辣辣好惹味，而且內裡雞肉滑嫰多汁，炸紫菜卷，外皮香脆，裡面口感軟熟， 惹味但不會過咸，魚糕串，口感彈牙，充滿韓國風味，辣炒年糕，香口不會太辣，口感煙靭軟糯，韓式粉絲，彈牙爽滑不油膩，多配菜，口感豐富，總結：最重要嘅炸雞整得好食，其他小食也不錯，有韓國風味，餐廳預備外賣嘅時間亦不會太耐，幾方便。