達人包車 (Closed)

朋友生日話想食韓國野，佢自己睇完網上食評話要黎呢間 ，我負責埋單坐低就送上小菜一碟，食完可以添，泡菜調味得剛好 岩香港人〇味，唔會過辣都幾多選擇，講得出既韓料理差不多都有。首先叫左個韓料理中名氣之一既部隊鍋拉麵 豆腐 厚切韓式餐肉 年糕 腸仔 餃子 大蒜 芽菜 泡菜 芝士一片。材料豐富，擺放分明。大火滾到每樣材料都入哂味。比起辛辣麵，味道更濃烈 辣得黎唔會掩蓋食物既味道。韓式午餐肉大大塊 比起港式質感比較軟。人參雞湯隻雞頗大隻 ，內藏糯米栗子。湯頭清甜，淡淡人參味。雞應該熬製了一段時間。肉已經離骨 而且非常滑溜。最後黎一個芝士雞蛋卷。一上台 嚇左一跳成個手前臂咁長。好大份上面吱左番茄同蛋黃醬。好開胃既醬。所以傾傾下計 不知不覺都清左。每一舊中間都有d芝士流出黎。芝士迷表示食得好滿足。仲好飽另外，值得一提係oppa們服務又好，會主動幫我地睇火，添小菜。用簡單英文加手勢就溝通到 哈哈哈