酌 (Closed)

諾士佛臺一向都只係聯想到飲酒或者西餐，今次試咗嗰頭新開嘅「酌」，食返啲傳統啲嘅韓式餐。酌定價中上，大部分嘅食品同飲品都係一佰蚊以上，食落去就知物有所值。叫咗一味魚湯，$108，熱辣辣上枱，份量非常之大，有三大串，湯味濃，冬天保暖之選。哩道ribs（$188）真係俾足誠意！燒好嘅肉有十幾舊，燒得好香口，仲要非常之非常之嫩口，配埋泡菜一齊食真係好夾。粉絲都唔可以睇小，牛肉十舊有多，粉絲都唔會太淋，味道唔會太濃。另外推介Pear Soju Cocktail，$110，有成500mL，至少夠三個人份量，燒酒本身唔係人人鍾意，不過佢哩款真係好味到一杯接一杯。