酌 (Closed)

久違了既朋友聚會，因為openrice訂位有8折仲有Asia mile送就揀左依間試.平日7點去到得幾台. 但環境唔錯好適合兩個人吹水. 叫左幾樣野食一個柚子沙冰米酒. 依個好大. 幾香柚子味. 又冰. 係覺得甜左少少飲到最尾. 唔錯. 叫左個紫菜包飯，最鍾意韓式依隻清清地又可以自己慢慢渣既飯團🍙 加埋芝麻香口間野有幾種炸雞選擇，今次唔揀甜辣味，揀左個原味，兩個人食 食極都仲有咁點埋個韓式芥末醬一流之後貪得意叫左依個魚糕串串鍋仔，佢有埋個杯比你倒啲魚湯浸住啲串串魚糕，魚糕好食，但其實啲丸略嫌多粉實得滯唔彈牙，但想試下都值得一試，幾特別之後兩個人埋單折埋total 400, 依個價食咁多野又坐甘耐都值日山 10點幾11點先埋單走人，睇返先知本身有限時，可能人少少由我地兩條女吹到2046綜合：食物唔錯，如果之後可以平日吹到甘耐唔趕會再去

油尖旺充斥著太多假泡菜店，付同等價錢，「酌」性價比算較高。薑蜜炸雞皮算薄而肉不柴，蜜比薑更突出，份量夠。大蔥牛肩肉，肉嫩沒有交行貨，男友大愛。粉絲海鮮粉絲麵偏辣，後勁強，海鮮料中等但大粒有咬口，粉絲彈牙口感不錯。配菠蘿果汁酒一絕！值得再來，呢個價+地段+質素，CP值高。

我真的好少喺呢度留評語, 但為了其他唔知的人, 應該留下ㄧ篇个人評語, 如果你們睇完都仲想去, 就祝你好彩! (服務)好坦白講, 諾士佛臺就係我家附近, 所以由金巴利道至樓上舖都会係我的選擇! 我無需要酒店的服務, 但不至於好似我們欠了他們, 問个中國籍男人攞Menu 就黑面! 咩事呀? 我們來食嘢啫, 吾駛咁呀? 好多韓國歺廳枱面都有免費水提供, 呢間係要人買水飲!! ok 都算! 我点的是 Mango Smoothie! 但無芒果味, 真係好似無味沙冰!! 不会主动望下客人有無野需要! 只顧玩电話!!! 已經是10:30pm(平日晚) 場內吾忙, 但我們仍要按枱上的鈡, 因為我舉手無人理!!!(食物) 点了三款全是辣的, 連牛肉粉絲都小辣, 平時都食得辣, 但他們的勁辣 (menu 有寫的) 是譚仔的最勁辣多兩倍! 所以我只可以講我們可能吾食得辣囉! 但根本唔適合香港人去食! 但適合ㄧ些鈡意挑戰辣度的朋友! 總結: 若是不知道点做服務, 就吾好再做! 若是不知道如何煮食物, 就吾好再煮!

諾士佛台附近餐廳都多，但係呢間嘅服務真係麻麻，食物質素亦很一般。店面大約有兩、三個嘅侍應（佔七成左右）係韓國人嚟嘅，所以唔識聽廣東話，需要講英文或者意圖試嘅方式去落單。不過都唔係問題，反而會覺得用韓國人服務更地道，應該整體會加分。睇之前食評，以為炸雞係推介，點知一食就覺得失望⋯ 🙁😭 我哋揀咗「蒜味豉油炸雞」（$158），炸雞味道較淡，唔juicy仲要好乾 😐🤦🏻‍♀️， 好硬但又唔係脆，似係炸過頭。可能喺韓國食過橋村炸雞太好食，對比之下，同朋友雙雙失望，每人食咗兩件已經覺得冇咩胃口🤧🤧「韓式牛肉炒粉絲」（$128）上咗菜之後，發現原來冇比齊餐具。一開始入座嘅時候，其實都已經留意到只係俾咗鐵匙羹，以為係嗌咗菜之後再補返相應餐具。不過冇所謂，問題係要解決嘅，飯都係要食嘅，所以只係即時諗着舉手示意侍應幫手補番每人一對筷子。之後朋友舉咗手超過5分鐘（真係有計時）都冇侍應過黎，好慘😭😐，舉到手都酸，隔離枱見到都覺得O晒嘴。個陣時間太概係8點40分，唔算係晚市中最繁忙嘅時間，眼見大部份食客都已經入咗座，享受緊野食。首先係放漏咗餐具已經係基本唔應犯嘅錯誤，但係有咩可能舉手咁耐都一個侍應過黎。後尾朋友

最近openrice有不同優惠，見到訂座這間餐廳6:00前用餐有7折優惠，立即行動gogogo!環境方面餐廳的面積也蠻大，座位夠多，而且餐枱之間的空位十分充足，坐得好舒服。印象中餐廳於繁忙時間有用餐時間限制，要注意哦。服務方面因為非繁忙時段，上餐速度非常快👍而且我們要求食物與醬料分開時，也樂意幫忙。如果可以主動給水客人，會更覺貼心。食物方面這裡的東西蠻有驚喜! 我們點了沙律，五花腩，薯仔煙肉煎餅及紫菜飯。點餐後，侍應便程上前菜一小碟，有白蘿蔔，紅蘿蔔及青瓜，味道與一般韓式醃漬菜差不多。清新雜菜沙律 ($58)沙律是椰菜，紫椰菜，火箭菜等的雜菜絲，算是新鮮爽脆，配上酸醬汁蠻開胃，但份量不算多，也不算特別，個人覺得這個可以skip。韓式五花腩配香蒜大蔥 ($178)必須大讚這個主菜，非常好吃，而且份量夠大!👍👍五花腩煎得香口，加上泡菜及新鮮大蔥，非常搭調。這裡的泡菜是甜的那種，亦不算辣，食到不停口。不過有些肉是脂肪較多，吃完罪惡感很重。😂😂😭手搓飯團配紫菜蛋黃醬食韓國菜又點可以少得紫菜飯!! 這個飯的特別之處是自己飯團自己搓，大小自己話事。不得不提是將泡菜大蔥及五花腩放上紫菜飯團上，然後整

上左黎完諾士佛臺一號食泰國野，見到呢到新開既韓餐今日就約埋朋友黎食。坐位闊落，食物唔錯。嘿嘿rib finger meats。牛肉肉質嫩滑，泡菜酸辣味淹得唔錯夾埋Ｄ蔬菜食就口感豐富Ｄ，最正係有Ｄ燒得好香既蒜頭仔而且份量都很多。嘿嘿韓式搖搖午餐盒。雖然入面既菜都係普通，　餐肉腸仔，蛋，泡菜同埋魚乾仔。　不過比起港式餐蛋飯，多左份魚乾既咸香味同泡菜既辣，易Ｄ送飯，嘿嘿牛肉粉絲。牛肉有十幾片，份量好多粉絲彈牙，索哂Ｄ味，加左Ｄ三色椒。唔錯唔錯，嘿嘿味道清新特別既特飲，同埋開胃既淹酸蘿蔔。

今晚跟朋友到「酌」品嚐韓式食物，款式很多，每樣也想叫。唯我只得兩人，於是叫了韓式炸雞，辣炒年糕鍋及紫菜飯糰。當中不得不讚的是它的炸雞，很香口，又不算油，簡直美味極了！另外辣炒年糕也很好吃，愛吃辣的朋友一定讚不絕口！

今日收工去咗諾士佛臺飲嘢，之後發現咗有間新開韓國餐廳，個名都幾特別叫做酌。點左芝士牛柳粒同埋蜜糖薑味炸雞。芝士同牛柳粒份量都好多，牛柳又軟又多汁，牛肉味好重，芝士又濃又滑，鍾意食芝士既朋友一定要試試。蜜糖薑味炸雞應該算係呢一度嘅特色菜，入口鬆脆多汁，薑蜜就飲得多la,從來未諗過蜜糖會同薑做成炸雞，食炸雞同時有蜜糖潤一潤喉嚨，very good 食炸雞點少得啤酒，黎一枝冰涷Apple Cider！ 總體都唔錯，經開可以黎試新野！

朋友帶我食韓國菜於「酌」在尖沙咀，餐廳光線有浪漫氣氛，坐得舒服，餐牌帶有韓國文字，好有食緊韓國料理風味。蒜味豉油炸雞，表面好鬆化有蒜味同少少豉油味於炸雞，令人食時一入口難忘。辣椒鮮蝦煎餅，一來枱中便看見鮮蝦搶眼在煎餅上，食物中帶有辣椒味是韓國食品常有一點辣椒作配襯又可提升味道。手搓飯團配紫菜蛋黃，飯團很柔軟中結實， 紫菜加蛋黃好健康嘅配搭，將全部一齊食好有新鮮感，將紫菜最快食完。再來兩杯 HALLABONG ADE 及 GREEN GRAPE ADE 是凍飲清甜。

琴日同個朋友去咗食韓國炸雞，我朋友話佢好鍾意食炸雞所以陪佢啦，間炸雞店個名好有韓國feel蜜糖薑味炸雞外皮炸到脆卜卜，雞肉鮮嫩，雖然佢有薑但薑味唔太重所以唔太辣口，配蜜糖味甜甜地而且個份量都幾多五韓式牛肉炒粉絲，啲粉絲同牛肉都入晒味，牛肉鮮嫩粉絲炒完之後好香，加埋啲燈籠椒味道香濃得來都有啲蔬菜中和番韓式搖搖午餐盒好有韓國嘅風味，因為我之前去韓國都食過，佢成個鐵盒閂埋之後搖勻佢黎食嘅，我之前去過韓式餐廳都好少見，今次呢個味道好似我去韓國食嘅咁，而且佢加左啲魚乾仔添上一份咸香味，另有一番風味，唔使去韓國都食到特色嘅梳打都好清新配炸雞 一流，青提子梳打一啖炸雞一啖梳打感覺真係好爽前菜係醃蘿蔔，酸酸甜甜 解左炸雞嘅油膩感

自從搬咗出尖沙咀，食嘢就方便咗好多，近呢排都很會花時間睇下附近有咩好嘢食，韓國餐wishlist入面其中一間就係呢間「酌」啦😎位置喺諾士佛臺一號(好多餐廳嗰幢)，好在揀閒日兼收得早所以未算人多。餐廳好有心機裝修，有好多好韓式嘅擺設，anyway即刻order個炸雞先。韓式炸雞有幾款選擇，包括左原味、甜辣、蒜味豉油、蜜糖薑同大蔥味。既然第一次食，梗係揀咗原味先啦！唔知係唔係即叫即炸嘅關係，由落order到上枱都等左差唔多20分鐘，不過都值得等嘅，除咗好大件頭，而且味道同喺韓國炸雞店食到嘅一樣咁好味，雞皮超脆，肉質好嫩滑，即使雞胸都唔會覺得好鞋口。之後再加個韓式辣炒小八爪魚🐙，除咗主角八爪魚仔之外仲加咗芽菜、甘筍、洋蔥等等嘅配菜，食落都幾惹味，不過有成7級辣(10級滿分嘅話)，如果係煮魷魚就仲正啦！計埋另加嘅韓式餐盒同特飲，每人唔駛$250，以位置+環境+質素來講，真心幾抵食👍🏼

聖誕聚會真係keep住嚟，今晚就同朋友嚟到諾士佛臺一號食野吹水啦😉 朋友鐘情韓國野，所以就揀左8樓嘅酌🤓 先揀左個魚糕湯串($108)🐟🐟 魚糕都幾多舊，幾層咁咬落去口感好彈牙煙韌💁🏻 另外仲有d魚蛋魚餅，一樣有魚味同咬口！個湯落左胡椒所以飲落去個身即刻暖哂😌😌 之後要左rib finger meats($188)🐮牛肉肉質嫩滑，易咬冇渣，撈埋泡菜食好惹味😍😍 主食要左shake lunch box($48)😀 搖下先食就可以mix哂泡菜腸仔蛋等等嘅料同飯一齊啦🙏🏻🙏🏻 飲品就叫左hallabong & green grape Ade ($47 per each)🥂 都解渴又唔太甜😝

印象中好少同細佬撐台腳因為佢有異性冇人性囉🤷🏻‍♀️不過細佬今日突然轉性😳主動date 我🤭佢話上次經過諾士佛臺，見到依間餐廳既Banner 。知道有間韓式料理新開，估我一定會鍾意（因為我成日發OPPA 夢😓)所以帶我黎嘆下🤨點都好，咁有我心，實屬難得😁-果然蜜運中既細佬係唔同d約我食飯識得book 台😂星期六晚八點黎到間餐廳都幾大呀又坐得舒服wor 牆上見到依幾隻熒光粉紅字，夠哂吸睛解作「你醉左既時候最靚」一於今晚不醉無歸 😗等我做番一晚靚女先😂-細佬話請食飯所以我lunch 只食左麵包，留定個肚😗😗叫左三款食物，一款Cocktail 💫韓式原味炸雞🍗好味到震，兩姊弟十五分鐘內KO 依一大盤雞炸雞皮超脆，炸得剛剛好，唔會油膩膩雞肉嫩口多汁，唔會‘鞋’想口味更上一層樓可以加埋芝士醬😈🙈不能跟心儀對象一起吃雞兩姊弟冇咩儀態咁大口大啖咬雞腿🍗🤤爽！-之後再叫左💫五花腩配香蒜大蔥嘩！正呀 ！份量又多wor 😯五花腩爽口，入口即溶🤤仲有最愛既Kimchi 酸酸甜甜少辣開胃減輕五花腩既飽滯，可以再食更多😈-食左兩款main dish , 細佬話仲差少少佢六成飽only 😅 （佢食極唔肥，仲要標準m

身為一個港女，我係超級鍾意食韓國嘢食嘅。今日特登搵咗一間新開既韓國餐廳同男朋友試下。呢間餐廳同時亦都係bar黎既，佢哋安排左我哋坐一個卡位，環境好舒服，好啱夜晚黎chill下。黎到呢到，當然一定要叫炸雞啦。由於想試d特別d既味道，我哋叫咗個honey ginger sauce 炸雞。我夠膽講，呢份炸雞係我食過最好味嘅炸雞。炸雞嘅皮非常香脆，通常啲人唔鍾意食炸雞係因為覺得好似食緊舊炸粉，但係呢份炸雞完全冇呢個問題。雞肉亦都好滑嫩，個汁亦都好開胃，姜味同蜂蜜味夾得天衣無縫。至於份量方面，我數過入邊有13隻雞，真係大件夾抵食。好似千頌依咁講，食炸雞係一定配燒酒嘅。我哋叫咗杯椰子cocktail, 燒酒一啲都唔難入口,配住炸雞，真係好滋味。天寒地凍，我哋梗係要食啲暖嘅嘢暖下胃啦。我哋叫咗個部隊鍋，就咁睇張相，都知道呢個鍋係超級足料嘅。湯底嘅味道唔算好辣，韓國午餐肉亦都非常好味仲有好足料嘅泡菜，蘑菇，洋蔥，豆腐等等嘅材料。總括來講，呢間餐廳嘅食物質素非常之高，食嘢嘅期間我哋發現呢度大部份顧客都係韓國人嚟嘅。所以如果大家想去一間地道，好味，價錢又好合理嘅餐廳，就一定要黎試下啦話唔定仲有機會遇到個

好耐無食韓國菜，所以上openrice 搵下見到呢間新開既餐廳，幾吸引，加上位置方便，決定一試環境裝修得幾有格調，sofa 位坐得好舒適啱哂一班朋友傾計，食飯聽到隔離枱有韓國人幫襯五花腩配香蒜大蔥實物同相一樣五花腩煎得外脆，好香口但仍然保持到肉汁腩肉入口即溶，連肥肉都食埋。唔覺好肥膩份量都幾夠配埋大蔥，泡菜非常開胃韓式便當第一次食有煎蛋，泡菜，魚乾仔，腸仔細細份，二個人share 剛剛好泡菜煎餅非常大份，泡菜好足料幾乎每啖都食到有泡菜同蔥熱辣辣。好香口提子沙冰同紫薯沙冰提子好清甜又清新紫薯沙冰第一次飲，幾特別，味道幾好總括黎講。尖沙咀呢個價錢食到好食韓國菜，算幾抵食，而且味道唔錯