Video
Read full review
2021-03-18
550 views
家姐難得放假，我哋又好耐冇一齊出街食飯，所以就諗住一齊去覓食，點知一去，就去咗元朗😂😂😂🥖Canapé (Welcome food) 因為好少食高級嘢（窮！），所以唔知Canapé係咩嚟。後尾上網search先知道原來開胃餅（from Cambridge Dictionary）！今次試呢個開胃餅係有兩片parma ham包住條餅乾。Parma ham味道正常，餅乾都幾特別，食落有少少鼠尾草嘅味，但係好味的！🥘Soup of the day餐湯比較稀身，但都幾好飲，配埋烘過嘅餐包好正！😋Sea uichin本身唔係好夠膽食海膽，但係家姐係咁話好好味，所以我就試咗。本身好擔心會有腥味，但食落完全唔覺有，而且都好鮮甜！用紫菜包住海膽同青瓜再點豉油同wasabi就好似食緊壽司咁！🦪Sentinelles 本身都唔夠膽食生蠔，但係家姐又再一次係咁話好好味，所以我就試埋。生蠔好肥美，勁大隻！食落好新鮮，鮮甜之餘鹹鹹地，都真係幾好味。🦀Homemade Crab Cake呢個蟹餅真係好「蟹」，因為真裡面真係全蟹肉！蟹餅煎得香脆，裡面除咗蟹肉仲有少少青椒粒，幾好味。🍝Spaghetti With Sh
家姐難得放假，我哋又好耐冇一齊出街食飯，所以就諗住一齊去覓食，點知一去，就去咗元朗😂😂😂
🥖Canapé (Welcome food)
因為好少食高級嘢（窮！），所以唔知Canapé係咩嚟。後尾上網search先知道原來開胃餅（from Cambridge Dictionary）！今次試呢個開胃餅係有兩片parma ham包住條餅乾。Parma ham味道正常，餅乾都幾特別，食落有少少鼠尾草嘅味，但係好味的！
🥘Soup of the day
餐湯比較稀身，但都幾好飲，配埋烘過嘅餐包好正！
😋Sea uichin
本身唔係好夠膽食海膽，但係家姐係咁話好好味，所以我就試咗。本身好擔心會有腥味，但食落完全唔覺有，而且都好鮮甜！用紫菜包住海膽同青瓜再點豉油同wasabi就好似食緊壽司咁！
🦪Sentinelles
本身都唔夠膽食生蠔，但係家姐又再一次係咁話好好味，所以我就試埋。生蠔好肥美，勁大隻！食落好新鮮，鮮甜之餘鹹鹹地，都真係幾好味。
🦀Homemade Crab Cake
呢個蟹餅真係好「蟹」，因為真裡面真係全蟹肉！蟹餅煎得香脆，裡面除咗蟹肉仲有少少青椒粒，幾好味。
🍝Spaghetti With Shrimp And Lobster Sauce
呢兜意粉睇落好細，但其實食落好多！龍蝦汁好正，好香龍蝦味而且都幾鹹，撈埋啲意粉食味道啱啱好。上面啲蝦煎得好香，蝦肉彈牙，唔會過老，好出色！
🥩Grilled Iberico Rack
呢個西班牙黑毛豚胺嘅賣相好吸引，聞落都好吸引！啲肉顏色粉嫩，食落幾有咬口。就咁食唔點汁或鹽都已經有味。另外啲肉一啲都唔肥，唔會話驚食到啲肥膏。
Post
