Oyster Season

Open Now

Now Closed

最近同朋友慶生🎉當然要食好西啦！呢到🦪海鮮拼盤🦪實在太吸引啦！有海膽、赤貝、生蠔🤗而生蠔仲係$9一隻🤩每隻都好新鮮飽滿😋鮮甜肥美😉必食！另外必食🦞龍蝦海鮮Pizza🦞賣相勁吸睛，原隻龍蝦製作，餅底鬆軟，龍蝦肉爽彈，加上其他配料，灑上大量芝士，yummy！😚蒲燒鰻魚滑蛋堡、蟹肉漢堡亦係誠意之作！🍔餡料多到爆，仲有脆卜卜薯條，好食👍🏻呢到嘅carbonara、鵝肝飯都唔錯喔！😊Lunch set仲低至6折👏🏻抵食！Oyster Season📍元朗馬田路38號怡豐花園A座地下67號舖

元朗友注意‼️最近發現一間性價比太高的西餐，無論你鍾唔鍾意食海鮮都一定要試吓！首先大讚對BB好好👍🏻幾個小朋友反轉餐廳，店員態度都非常友善😌.海鮮拼盤太吸引！$9生蠔太有驚喜，無諗過呢個價錢質素咁高，肥美鮮味，太平點了好多😂食得盡興😎其他海鮮一樣鮮味👍🏻海膽簡直係大滿足🥰.唔好海鮮的話熟食都包你滿意😉兩個burger 都超正，餡料多到滿瀉超足料好有誠意，薯條脆卜卜小朋友岩哂😁鵝肝飯勁香又厚肉，意粉彈牙味道濃郁，好食到加單🤣.最後餐廳好好幫我地係甜品上寫字慶生🎉小朋友都好興奮氣氛好好😌開心滿足的午餐！而家Lunch set仲低至六折太抵食啦！

老公知我想食生蠔隨機揀的，叫左個$488 12隻生蠔拼盤，好新鮮，口感不錯🦪🦪🥰之後再叫左兩個main course都幾有水準，價錢唔貴，下次會再黎試下其他嘢食。另外有個員工幾貼心，可能聽到我同老公講有d凍，佢悄悄地較細左個冷氣！抵讚👍🏼環境方面，間舖頭就比較細，不過都算有情調，有個小吧檯。服務方面就冇咩特別，職員都係簡單介紹吓有咩生蠔嘅種類，似係一個做暑期工既妹妹😂但都睇得出佢盡左力去介紹。

同一班朋友gathering黎到元朗 oysterseason打卡同味道都超正，海鮮拼盤有生蠔、赤貝、海膽，全部好新鮮，鮮味十足！生蠔$9/隻超抵龍蝦pizza夠哂排場，有原隻龍蝦🦞，除左龍蝦肉仲有唔同既海鮮餡料，即叫即整熱辣辣！另外都有唔同類型既主食，lunch set 都幾抵食，包括餐湯及飲品，我地叫左carbonara 同牛扒做主菜，carbonara醬汁creamy，意粉夠掛汁，牛扒肉味香濃，大家都食到舔舔脷！

佢哋既$9蚊蠔的確好出色！無話因為平就Hea你！隻隻都肥美飽滿🦪，啖啖海水香氣，鮮味回甘🤤 每人食一打都不過份訂位時可以預告比店員知要食蠔，確保貨源充足！餐廳仲有多款時令海鮮刺身和午餐選擇，款款都好吸引～我哋食咗海膽和赤貝，鮮甜味美～特別推薦「龍蝦海鮮Pizza🦞🍕」，賣相和味道100分龍蝦肉質爽口彈牙，芝士pizza餅底鬆脆，精粹是原隻龍蝦彷彿在pizza面跳躍，氣勢十足！必試！「蒲燒鰻魚滑蛋堡🍔」是另一精選推介！大大件日式燒鰻魚，肉質柔軟，配搭美式漢堡，出奇地夾！最緊要係餐廳有甜品代寫祝福語服務慶祝節日唔使再另外買蛋糕，又要拎，又驚食唔晒！

本人住在元朗，工作亦在附近，經常睇到社交平台好多好評 所以特登同老公過嚟試叫咗一打半$9生蠔，預咗你每隻都細㗎啦（社交平台嘅圖片真係只供參考）但冇諗過食落 每一隻都係飲緊海水（咸到爆） 人哋$10嗰啲生蠔都唔會做到你咁嘅質素囉 食落有層次 最重要唔會太鹹似飲海水店員服務是不錯的 老公先到 佢話一坐低就俾人Hard Sell千幾蚊嗰啲套餐 但因為dinner set 冇乜我哋想試嘅菜 所以我哋都係散嗌鵝肝多士係全晚最好食的叫咗個肉眼扒三成熟（沒有拍照）但一切開根本係五成熟以上🙈 肉質都可以嘅 個洋蔥汁唔錯叫咗個海鮮燴飯 啲飯個芯係生同硬 仲要黐牙 或者我見識少 但我哋係赤柱美利樓個間西餐或者其他食呢啲燴飯 都未食個咁嘅質感我哋仲滿心歡喜 多咗一個食飯嘅好地方，唔使每次都特登出到荃灣就可以食到平價高質生蠔，但真係試完真係冇下次

🌟元朗西餐廳 Oyster Season🌟又同老公黎元朗好出名嘅西餐廳撐枱腳!😋最鍾意呢度浪漫嘅氣氛！餐廳裝潢好有格調， 暗暗嘅燈光配上牆上以歐洲景點為主題嘅畫，好有情調!😍餐廳主打即開生蠔$9隻，質素都唔錯！而西餐都好高質！今次我地叫左個🦞🦪龍蝦海鮮拼盤 $1468職員好細心，上枱時會仔細講解生蠔由淡至濃味，喺檸檬嘅左手邊開始順時針咁食，而我地揀左🦪3款蠔：GIllardeau No.0、Josephine No.1、Tia Maraa Pearl，隻隻都好肥美好新鮮，帶有淡淡海水味！🦞原隻波士頓龍蝦，大隻又多膏！肉質鮮甜！仲有多款刺身，由淺色食到深色：海膽、時令貝類、帶子，肉質好嫰滑好鮮甜！Appetizer：3選1🥓巴馬火腿蜜瓜蜜瓜肉質嫩滑，甜而不膩，完美融合巴馬火腿鹹香肉味。Tasting Seafood 2選1🦪清酒蒜蓉煮蜆蜆黎講都好大隻。蒜蓉白洋蔥及清酒味嘅湯入晒d蜆肉到，香甜嘅味道帶有一點酒香！Main Course 10選2🥩安格斯肉眼扒配洋蔥燒汁我地叫左5成熟。一上枱好大塊啊！肉質粉嫰，入口軟熟，配上秘製燒汁更惹味！🍛松露蟹肉離菌燴飯松露蟹肉離菌燴飯融合了鮮美的海鮮和

朋友之前黎過呢間餐廳食生日飯，佢話呢度D野食幾好食，所以我就約朋友去試啦！上網見到佢地最近做緊$9一隻生蠔，好抵食呀。當晚我都叫左黎試，生蠔都係黎自法國，細細隻重海水味，蠔味十分，有興趣既朋友可以提前打電話預約，咁就保證一定有足夠既生蠔留俾你啦。當晚我地叫左個2人餐$1468，食到好飽好滿足。🟡海鮮拼盤店員好細心咁介紹生蠔既名，同埋教我地由淺色既肉開始食起會更加好食。拼盤入面有原隻波士頓龍蝦、海膽、生蠔、時令貝類、刺身帶子2隻同埋黃金螺2隻。店員仲教我地生蠔由左邊開始食起，三款法國生蠔各有味道，個人比較鍾意第二款，海水味岩岩好，而且夠飽滿。龍蝦睇落去細細隻但好多肉，食到啖啖肉架，蝦鉗好大隻仲好鮮甜，蝦頭仲有好多膏。今日當造既係美國車厘蜆，大大隻海水味濃。而黃金螺Size超大隻，係我食過既最大隻螺呀，大大隻好有咬口。食海鮮點可以無白酒呢，我地仲另外叫左杯House of Wine。🟢煙三文魚黑醋汁沙律＆羅宋湯羅宋湯好濃味，見到湯底有蕃茄蓉，唔似湯水咁稀。煙三文魚配埋黑醋一齊食帶點酸酸，夠哂開胃。🔵清酒蒜蓉煮蜆店員介紹佢地係用左美國產既馬拉蜆，一上碟見到粒粒都好大隻呀😱仲要無空殼架，好滿足

🦪生蠔海鮮拼盤上枱後，店員都好細心，介紹盤上嘅海鮮和名稱，還建議生蠔順時針次序去食，其他海鮮就由淺色至深色去食，咁樣就可以由淡味食到濃味啦不過店員介紹完之後我已經唔記得晒啲🦪🦪🦪嘅名稱了套餐都包含咗有沙拉🥗，餐湯，熱海鮮，主食🍝🥩同埋甜品🍨🍨，份量非常足夠餐湯係磨菇湯，超濃郁嘅磨菇味道，熱海鮮我就選擇咗清酒蒜蓉煮蜆，蜆肉好大粒，而且廚師煮既味道啱啱好，唔會蓋過蜆肉既鮮甜味道，主食就選擇咗松露白汁帶子意粉，餐廳還選用了扁意粉，本人都十分喜歡食扁意粉，因為掛得到啲汁，味道不錯。另一個主食就揀咗黑毛豬扒，咬落口感一啲都唔硬身，肉質仲好軟腍！！咬落啖啖肉好juicy，不過略嫌鹹咗少少🤏🍨🍨 一個雲呢拿味，一個係海鹽味，係雪糕波波，食落好滑溜

元朗生蠔必食，突然之間想去食生蠔，見到佢有推廣$9生蠔，上網見fb 相片知道質素不錯，便打算去試一下。生蠔比另一間主打$10隻的連鎖式蠔X, 更加大隻同埋夠鮮味，夠晒海水味，兩個人食咗兩打。 另外西餐方面叫了松露蟹肉飯和一個漢堡包，都很不錯，埋單二人七百幾蚊，呢個價錢食到生蠔，再可以飲埋白酒真的未試過，平時其他地方要食咁樣嘅份量埋單要過千。個人認為食$9生蠔已經夠晒滿足，裏面有一個海鮮拼盤餐再加自選西餐，起碼$1400多，今晚覺得非常滿足同埋好抵食，下次會再嚟。希望多啲人支持見到星期日都得一兩台客，市道好淡靜🙈

見社交媒體網站有做$9生蠔🦪，打去bk枱都有問埋有冇呢個優惠，對方話只係可以俾6隻我哋（一枱兩個人），本身都唔係係食得多，都Ok嘅。一入餐廳報咗話訂枱+貴姓，waitress安排我哋坐低，落order之前第一樣嘢叫佢幫我換咗把餐刀🔪好似上手用完無洗咁，然後就問一問（同一個）waitress係唔係有幫我留咗半單生蠔，佢走咗入去check完再覆我哋話有，叫咗一杯白酒$78，一份龍蝦沙律$158，一份海鮮意大利飯$238，上咗嘢食之後都覺得份量有啲小，所以就叫waitress俾個menu我，想嗌多份青口$128，望一望樓面無人就等下，等到有個waitress經過，佢話佢唔係落單，然後我又等咗陣，最終有另一個waitress幫我加咗單，食晒沙律清埋個飯都未見青口，我哋都無特別追諗住都再俾啲時間佢，直至有個男人（可能係老細）過嚟問啲嘢係咪嚟齊，我都未答佢就已經拎起咗我隻碟，我就話仲爭份青口，如果未整就由佢唔要，轉頭就點個waitress嚟同我講青口煮緊咁擺明就係漏咗單，食埋青口我哋就拿拿臨走。埋單$7xx兩個人，唔算係好貴，但服務就趕客樓面唔熟手、漏單都算，其實可以問吓我哋要唔要甜品或者有冇嘢要

🦪海鮮拼盤首先要做一個海鮮拼盤，作為小編心目中嘅主角，生蠔就揀左五款啦💁🏻店員會幫手排好咗，喺檸檬嘅左手邊開始順時針咁食，海水味由淡至濃，有Sentinelles、Cocollos No. 1、GIllardeau No.0、Josephine No.1、Tia Maraa Pearl，隻隻都勁新鮮同好飽滿，大家都知道小編最鍾意嘅係Josephine同埋Gillardeau，但係呢度嘅$9 蠔質素都好食喎，呢個價錢真係超抵食。除咗生蠔小編都嗌咗牡丹蝦同車厘蜆，食落去感覺都好新鮮同埋好大隻鮮甜味都好足☺️🥗黑醋汁煙三文魚沙律用黑醋汁嚟調一調沙律嘅味道配合煙三文魚本身嘅鹹味其實已經好足夠，重點係嗰個煙三文魚嘅presentation好好，成朵花咁，未放入口已經非常之開胃啦🥰🦪清酒蒜蓉煮蜆呢個本身係一個湯嚟，但佢出嚟成碗都係蜆，湯嘅味道又好重嘅蒜肉味同埋白洋蔥嘅甜味，整體都幾好🍝龍蝦忌廉意粉龍蝦忌廉意粉用咗半邊蝦，意粉亦都好creamy同都好夠味，係一個好出色嘅主菜🤭🤭🥂Chardonnay🥂Sauvignon白酒有時好個人口味嘅，小編揀嘅呢兩款都幾啱食海鮮～大家可以參考下🍦士多啤梨味雪糕🍨菠

因為非常之喜愛食生蠔，所以專程入黎oyster season食海鮮拼盤二人Dinner Set，每碟精品，滋味無窮！必食海鮮拼盤作為蠔嘅專門店，拼盤提供了五款蠔。店員還會細心介紹每款蠔和進食嘅次序，非常專業。店員提我們從細隻開始順時針方向吃（ Tia Masse, Josephine, Speciales de Claire, Regal, Gillardeau) 細隻比較爽同清甜，然後越食越重海水味同蠔肉越來越肥美。食完蠔之後，再食帶子同大蝦刺身都非常新鮮甜美，為拼盤加分！清酒蒜蓉煮蜆蜆大大隻，肉肥鮮甜冇沙，清酒蒜蓉味香煮成湯，鮮甜令人忍唔住飲埋。招牌鵝肝粒焗雜菌飯不愧係招牌！勁多鵝肝，跟飯混合後，淡淡都是鵝肝的香油，既矜貴又惹味，令人回味無窮！黑毛豬扒配松露忌廉汁黑毛豬扒肥瘦適中，燒得非常香口，肉味濃厚。松露忌廉汁為菜式錦上添花！甜品及飲品叫了兩杯House Wine 白酒， 一杯果味較重，一杯微酸，兩款都跟海鮮很夾！最後兩款雪糕作結，一款豆腐味一款士多啤梨味，奶味香濃！

今日去咗一間海鮮蠔吧，檔次不錯，環境都舒服。🌟🍴🥂 一入去就見到Seafood Dinner Set，$1468一個，既心動又擔心食唔晒。但係正！海鮮盤一上嚟，真係震撼到！波士頓龍蝦咁juicy，仲要松露油香到嘩，係完美嘅組合！有feel到佢地嘅質素同小心翼翼。再嚟係生蠔，嗌咗三款，全都係法國嚟㗎，好fresh嘅味🦪！而帶子，正到不得了，真心軟滑得黎又juicy！以為已經好滿足，但係每樣野都想食多啲。煙三文魚黑醋汁沙律份量同樣大手筆，加埋啲松露油，即刻提昇咗整體口感，好贊👍。湯都唔馬虎，蘑菇湯松露味濃郁，滑溜溜嘅口感暖心又暖胃。清酒蒜蓉煮蜆、鮮茄虎蝦意粉同鵝肝粒焗雜菌飯，每樣都做得夠味，特別係意粉，簡單嘅料理手法卻帶出意想不到嘅美味層次感！整體嚟講，依間餐廳嘅食物與服務水平都一流，仲要價錢唔會太嚇人，真係一個好地方，可以滿足到對海鮮嘅所有憧憬！🍽️🍤👏 刷卡俾錢走嗰時，都已經諗定下次仲要再嚟！

係元朗應該冇咩鐘意食生蠔嘅人唔識Oyster Season，印象中呢間係元朗都一段時間，原來佢有中文名㗎😆。叫得神都有啲原因，就係蠔種類不能少，當晚我就食到5款，而且好鮮甜，其他海鮮都有水準，果然食蠔要係有R字月份。🍽️生蠔海鮮刺身拼盤除咗最愛嘅蠔外，仲有我一直好想試嘅車厘蜆。🔸生蠔：有5款--Cocollos, Josephine No.2, Special de claire, Tia Maraa Pearl, Gillardeau No.0. 自己最中意當然係Gillardeau啦，大隻肥美，肉質細滑，先海水後甜。有兩隻唔記得係咩，細隻啲，不過海水鐵味重啲，都好鐘意。🔸車厘蜆：相對蠔嚟講腥啲，我都係鐘意蠔😌。🔸北海道活赤貝：爽脆鮮甜，好味。🍽️牛油煎帶子配黑魚子：好期待呢個，一嚟到好香，帶子鮮甜，可惜面頭辣椒絲太搶味，蓋過帶子魚子鮮味。🍽️清酒蒜蓉煮活蜆湯：蜆鮮甜大隻，清酒香，蜆間中有啲沙，可接受。由於份量賣相同平時差不多，我察覺唔到呢個係湯嚟😅。幸好我習慣飲清酒煮蜆嘅湯汁，因為精華係晒度，可品嘗淡淡酒香，又飲到鮮甜，好在都差不多飲晒😌。如果有兩塊多士係度，咁我應該會察覺到係湯嘅😆。🍽️