茹絲葵牛排餐廳

行完K11 Musea，想食牛扒，不過嗰度冇正宗扒房，所以嚟咗呢度。Last minute打電話黎book位，接線員要求只可以用英語溝通，同佢講想話book今晚，跟住佢就即刻hold咗電話一陣，之後話7:00pm四位冇問題，不過個半鐘頭後要還枱，諗咗幾秒鐘，想同佢confirm，佢又即刻hold住左電話，等咗一陣佢先翻返嚟，同佢confirm個booking，不過接線員咁樣嘅態度，印象麻麻，有啲憂慮。尖沙咀中心係冇停車場，要泊車要喺附近其他大廈搵，有啲唔係太方便。準時去到，有好多空枱，成晚都係得幾枱人，唔知點解要講明限時個半鐘用餐⋯⋯ 以前去開金鐘嗰間，第一次嚟尖東呢一間，環境氣氛都差唔多，不過呢度大間啲開陽啲，冇金鐘嗰間咁cozy，四個人安排坐卡位，服務員態度有善，亦都一一解答到我哋嘅問題，好快就決定咗食啲乜。Oyster Rockefeller 焗得好香好味，啱晒唔鍾意食生嘢但係又想食蠔嘅人，Crab cake蟹肉冇腥味，啖啖蟹肉夠份量，之後嘅牛扒燒得剛好medium rare，三塊Cowboy Ribeye 和一塊普通Ribeye好juicy，肉質好靚，上枱時隻碟熱辣辣仲聽到si