秋田刺身日本料理

Open Now

Now Closed

之前同朋友食過秋田浜燒食堂，味道都唔錯，於是今次特登黎試佢旗下另一間專食omakase既日本料理餐廳。去到先知原來兩間餐廳只不過係樓上樓下，整體魚身非常之新鮮肥美，十分高質。✨先付三品前菜分別有螢光魷魚、海帶同海螺，魷魚同海螺食落十分爽口，而海帶食落則酸酸地咁，非常開胃。✨沙律✨茶碗蒸茶碗蒸口感十分順滑，值得一提既係朋友本身唔好食蛋，本身以為可能會換d前菜俾我朋友，點知師傅勁好咁換左個燒扇貝俾佢，份量仲要唔少。✨刺身五品無諗過刺身會有生蠔，生蠔食落十分creamy，而且海水味唔係好重。另外刺身仲有赤貝、油、海膽卷同油甘魚，味道鮮甜可口。✨壽司六貫每款壽司既魚生都係厚切，其中炙燒右口魚邊同炙燒拖羅油脂味香濃。較為特別既係最後一道壽司你一個迷你丼飯，有三文魚子、海膽同蟹肉蟹膏，食完十分滿足。✨湯品魚湯味道鮮甜濃郁，魚味十足。✨甜品甜品非常豐富，除左有日本蜜瓜同抹茶奶凍之外，仲有得食黑芝麻雪糕。三款甜品都好好食，尤其係個抹茶奶凍，口感十分滑溜，而且抹茶味突出。