鮨本

Open Now

Now Closed

Omakase廚師發辦由主廚決定用餐內容，今次黎到好近銅鑼灣地鐵站呢間omakase食午餐。Lunch set主要有2種，一款$580，另一款$780。我今次就叫左$780呢個set。咁呢個set有茶碗蒸、2款酒餚、10件壽司、1件卷物、玉子燒、1碗湯同埋甜品。茶碗蒸上舖左好多蟹肉，口感豐富。茶碗蒸內有不小配菜，令茶碗蒸更特別。酒餚係北海道蠔，蠔好飽滿，好creamy，好新鮮。蠔上配上酸汁，令食慾大增，呢個配搭好好。另一酒餚係吉列真名鰹配他他汁，魚肉嫩滑。壽司10件最突出係石垣貝壽司，口感幾爽。另外師傅用左北海道霧多布嘅海膽，做左件海膽壽司，海膽新鮮鮮甜，非常好味。卷物係用左鮟鱇魚肝加拖羅碎做餡，配紫菜同壽司飯，好滿足。甜品配上抹茶雪糕👍🏽師傅服務非常好，細心講解每一道菜式嘅來源。總括嚟講係一個好好嘅用餐體驗。