Video
Read full review
2019-05-28
154 views
係我好鍾意既Omakase呀！早有聽聞呢間日本餐廳既Omakase質素好高，今日終於有機會可以試到，記得要預先訂位呀！餐廳門口嘅招牌好有氣勢，裝潢用好多大理石元素，大氣而有格調。因為bar台已經坐滿人，所以我哋被安排到入面嘅一般座位，其實各有各好，吧枱可以欣賞到師傅製作食材嘅過程，而後面嘅座位就坐得舒服啲。menu一共有3 set選擇：天、瀧、極，我同朋友揀左最高等級既「極」～每個set都包含先付、前菜、湯、刺身、天婦羅、合肴、食事同甜品。先付🔸九州竹葉蟹肉+松葉蟹肉制成蒸蛋，口感清爽得黎但係啖啖蟹肉好豐富，配埋上面既薑汁mouse，適當地中和個味道，層次更豐富。前菜🔸山芋紫菜、螢光魷魚、蟹膏豆腐、甜薯。賣相好精緻，本身山芋無咩味道只有黏黏口感，但係配上調製煮過的紫菜頓時好加分！螢光魷魚，爽口彈牙好似食緊魷魚bb咁嫩。蟹膏豆腐，上面係木魚湯加昆布啫喱，豆腐軟滑加上濃濃的蟹膏香味，味道好夾。甜番薯，軟綿綿口感好香好好味。湯🔸小貝柱湯，成碗湯非常鮮甜，一小碗湯就有3隻蜆好足料！刺身🔸3款精選刺身：池魚、鯛魚、拖羅，食得出每款刺身都非常新鮮，味道各有唔同。我最鍾意池魚覺得鮮甜得黎好清新，朋友
早有聽聞呢間日本餐廳既Omakase質素好高，今日終於有機會可以試到，記得要預先訂位呀！餐廳門口嘅招牌好有氣勢，裝潢用好多大理石元素，大氣而有格調。因為bar台已經坐滿人，所以我哋被安排到入面嘅一般座位，其實各有各好，吧枱可以欣賞到師傅製作食材嘅過程，而後面嘅座位就坐得舒服啲。
menu一共有3 set選擇：天、瀧、極，我同朋友揀左最高等級既「極」～每個set都包含先付、前菜、湯、刺身、天婦羅、合肴、食事同甜品。
先付🔸九州竹葉蟹肉+松葉蟹肉制成蒸蛋，口感清爽得黎但係啖啖蟹肉好豐富，配埋上面既薑汁mouse，適當地中和個味道，層次更豐富。
前菜🔸山芋紫菜、螢光魷魚、蟹膏豆腐、甜薯。賣相好精緻，本身山芋無咩味道只有黏黏口感，但係配上調製煮過的紫菜頓時好加分！螢光魷魚，爽口彈牙好似食緊魷魚bb咁嫩。蟹膏豆腐，上面係木魚湯加昆布啫喱，豆腐軟滑加上濃濃的蟹膏香味，味道好夾。甜番薯，軟綿綿口感好香好好味。
湯🔸小貝柱湯，成碗湯非常鮮甜，一小碗湯就有3隻蜆好足料！
刺身🔸3款精選刺身：池魚、鯛魚、拖羅，食得出每款刺身都非常新鮮，味道各有唔同。我最鍾意池魚覺得鮮甜得黎好清新，朋友就最like拖羅鍾意入口即溶。
天婦羅🔸天婦羅炸物，全部都係即做即上菜，務求客人品嚐到天婦羅既最佳狀態。平時食天婦羅都係沾天婦羅醬汁，但係呢度非常講究，有3種調味：白鹽、芥末鹽、檸檬汁 ，而且每種調味分別搭配唔同既天婦羅。天婦羅分別有蝦、山嘴魚、菇釀大蜆。白鹽點蝦身，芥末鹽同檸檬汁可以點蝦頭，山嘴魚就用白鹽。選擇合適既調味，完全將每種食材既美味發揮出黎！金鯛魚就配蝦湯，個湯極度濃郁，鮮甜程度彷彿好似用左成噸蝦去熬制而成。
合肴🔸竹筍煮物，採用來自京都既竹筍，味道好清新爽口。
🔸熊本和牛，每一口都係滿滿既幸福感！薄切係slow cook牛肩，肉質好嫩滑，薄薄一片但係牛味濃郁。厚身既係用備長炭烤既西冷，真係無得彈！
食事🔸梅味素麵配紫蘇葉天婦羅，本來已經食到飽飽地，口腔味蕾已經好豐富既時候，一碗梅味既湯底配上素麵，清新醒胃。
甜品🔸生炸原條鹿兒島安立芋，真係好香好甜，配搭日本Brandy同白糖一齊食，又係完全唔同既味道，好有驚喜！
甜品🔸水玄餅，櫻花jelly pattern，外面係沖繩黑糖同黃豆粉，好清新，為豐富既晚餐有個完美ending。
Post
