Burger Begin (Closed)

位置好隱蔽，係小巷。餐廳主要做外賣，堂食位置唔多只有4個位，雖然有凳，但都係企起身食方便啲。 選擇困難症嘅我見到有咁多味唔知食咩好，老闆好熱心逐項介紹。 大啡菇牛油果+安格斯牛肉+金沙鹹蛋黃醬 $88大啡菇牛油果+安格斯牛肉 $78 同時想食大啡菇同牛肉，叫左個大啡菇漢堡加牛肉。估唔牛肉會咁厚，漢堡包高到口唔大咬，最後我單獨食塊大啡菇同菠蘿先，之後再包夾牛肉食😂😂。包用牛油煎過，好香脆，睇落以爲無咩汁會好乾，但結果唔係，大啡菇同菠蘿好juicy，牛肉好厚身，肉質軟得黎唔易散，金沙鹹蛋黃醬單獨食有d鹹，夾埋菠蘿一齊食可以中和下鹹味，金沙鹹蛋黃醬又可以令個包更加夠味。 炸金文畢芝士$38好足料，一咬開入面入面全部都係芝士，皮炸到好脆口，芝士濃而不膩。