Sky726

約左舊朋友聚餐，特意卜左間較靜，而且景觀非常開楊嘅法式餐廳 sky 726 ，餐廳中央係一個正正方方嘅酒水吧枱，右手邊係開放式廚房，清楚睇倒入邊煮食爐具等等非常清潔整齊；而餐廳坐位亦相當舒適。今日約左朋友大約6:00到達餐廳，餐廳係最高25樓層，高高在上，清晰見到窗外景觀，密密麻麻、高高低低嘅大廈，堆砌成一幅好靚嘅拼圖咁😌。今晚我order左一個set dinner ，朋友係素食者，佢就order左個素意粉🍝。🍝新鮮田園蔬菜配香蒜意大利粉翠玉瓜、迷你蕃茄、本菇、黃燈籠椒等等鋪滿整個碟面，睇落極之豐富，仲有☝🏼大量蒜片，引發到整個意粉有無窮嘅蒜香😋。Set Dinner🥣餐湯 - 好綿密嘅忌廉湯，夠熱，落些小黑椒粒味道更加提升。🥗希臘沙律 - 呢款沙律多以水牛芝士粒、黑橄欖、紫洋蔥粒配合新鮮沙律菜加黑果醋拌勻，非常開胃嘅餐前菜。🍸精緻小食 - 三文魚mousse ，入口好似吸食帶有三文魚味道嘅一陣風咁😆⋯⋯ 好特別，好輕盈嘅一個餐前小食。🍴板熱自家熟成西冷牛扒伴胡椒汁西冷牛扒order左7成熟，切開仍保持粉嫩，充滿肉汁，入口牛味充足，近根位位置油花甘香；配菜嘅露筍苗青脆爽口；鋪底係薯溶，