慶麵 (Moved) New Location

好少去大角咀，咁啱嚟搵喺滙豐做嘢嘅friend，佢就帶左我去附近嘅慶麵。鋪頭細細間，入面都幾乾淨利落，有D電影海報掛場，老闆應該熱愛電影🎥。涼伴山楂糖漬青瓜甜甜D，好特別，整得好好，出走晒水，唔會濕淋淋，平時食得太個多普通拍青瓜，食吓唔同口味，甜得嚟好清爽！口水雞絲冷麵夠晒辣，但係多D花椒會仲正D，唔夠麻，雞同麵都，好有家庭式感覺。巴東牛助條撈麵個汁好正，落左好多香茅同香葉煮，牛肉好入味，肉質好，撈埋個麵，好好食，我鍾意呢個多D！小籠包好味，豬肉鮮甜多汁，佢個皮唔係太薄嗰種，厚實D，又係好有家庭式感覺。我地之後嗌嘅豆漿都幾好飲，甜度適中。如果我晌附近返工，都好會日嚟，我估佢午市都應該會幾多人！