Cocina 3 Tapas Restaurant & Bar (Closed)

西班牙菜想試好耐，咁啱同事又有興趣，所以收工之後就睇下附近邊到有，咁啱見到奧海城有一間，當然要試下啦😚😚😚餐廳有分戶外位同室內位，戶外位置可以帶寵物來🦮位置都算多，而室內位置就好寬躺，仲好有氣氛添☺️☺️，好適合情侶或者幾個朋友吹水飲酒🍻一坐低店員就已經上左墨西哥脆片作為小食，脆片好香口😆帶點鹹香再配埋餐廳自製既忌廉醬，真係食到停唔到口🤤，送酒一流🤩🤩唔飲酒既我叫左杯Cinderella，係冇酒精成分，由檸檬汁、柳橙汁、鳳梨汁和紅石榴糖漿調製，酸酸甜甜咁，入口好清新，唔飲酒既朋友仔可以試下😙😙龍蝦海鮮忌廉湯，好濃郁又足料，有魷魚🦑蝦🦐等，仲要啖啖都食到海鮮，飲落仲好鮮甜🥰🥰🥰香烤牛舌配番茄莎莎 ，牛舌好肥美，而且燒到啱啱好，好軟腍😋😋，再配埋蕃茄莎莎食落好清新，又可以中和油膩嘅感覺，值得一試👍🏻👍🏻👍🏻西班牙雞肉辣肉腸燴飯，煮得啱啱好，唔會太濕太淋，醬汁又香又惹味🤤，加上辣肉腸又帶點辣，食落口感好豐富😍😍😍朱古力班cake，cream份量超多，食落啖啖都係，而且入面仲要香蕉，要加上朱古力醬同碎，超滿足🥰🥰🥰