ねずみの王冠 喫茶店

Open Now

Now Closed

上樓餐廳雖然唔似得大商場咁五光十色，但上樓相對租平，用較平價錢食到好嘢的機會相對較大。今晚呢間又係一個好例子。原條蒲燒鰻魚炒飯鰻魚厚肉肥美，外皮焦脆香口，肉質嫩滑，細骨不算多，被炙烤得油香四溢，淋上鹹香帶甜的醬汁，想唔好食都難。七味墨魚咀味道香香辣辣，墨魚咀又脆卜卜，送酒一流。神戶野菜牛肉鍋甜湯底，菜同牛肉都好入味。牛舌串 & 雞軟骨串牛舌厚切串燒，爽口彈牙，簡單配上海鹽黑椒調味，無得輸。雞軟骨表面夠乾身，非常有咬口，但依然保留一點點柔軟。