Video
Read full review
2021-11-02
66 views
今日一心一意諗住去The point happy hour，點知比工作耽誤咗，變咗食晚飯😆！如果早少少嚟到，就可以嘆個下午茶，飲一杯嘢飲加一個Pizza或者小食，2個人share 都幾好。可惜遲咗一步就真係遲咗一步。Dinner set 都有佢嘅吸引力，不過始終都係想散叫。森林比薩 我哋兩個人叫咗個六吋pizza，分量剛剛好！比薩餅底好香脆，並且有濃濃黑松露香，而最正係有香噴噴嘅蒜頭味，我同朋友非常欣賞！另外，野菌和火箭菜份量都算多，整體認真唔錯！M5 澳洲和牛肉眼牛扒牛扒吃起來好Juicy，而且有韌性，煎得好香，食落有嚼勁。我個人特別比較鍾意伴碟嘅薯蓉，非常creamy、香滑，而個汁都好香濃而不會太鹹，非常開胃！玉桂蘋果比薩蘋果味都幾香，配有葡萄乾、合桃，有唔同嘅口感，味道都算唔錯！
今日一心一意諗住去The point happy hour，點知比工作耽誤咗，變咗食晚飯😆！如果早少少嚟到，就可以嘆個下午茶，飲一杯嘢飲加一個Pizza或者小食，2個人share 都幾好。可惜遲咗一步就真係遲咗一步。
Dinner set 都有佢嘅吸引力，不過始終都係想散叫。
森林比薩
我哋兩個人叫咗個六吋pizza，分量剛剛好！比薩餅底好香脆，並且有濃濃黑松露香，而最正係有香噴噴嘅蒜頭味，我同朋友非常欣賞！另外，野菌和火箭菜份量都算多，整體認真唔錯！
M5 澳洲和牛肉眼牛扒
牛扒吃起來好Juicy，而且有韌性，煎得好香，食落有嚼勁。我個人特別比較鍾意伴碟嘅薯蓉，非常creamy、香滑，而個汁都好香濃而不會太鹹，非常開胃！
玉桂蘋果比薩
蘋果味都幾香，配有葡萄乾、合桃，有唔同嘅口感，味道都算唔錯！
Post
