金滿膳燒味餐室 (Closed)

係屋企執屋執到唔知時間，掛住執午飯都冇食，下午茶時間又到左，個仔幫手執完都話肚餓要食嘢，咁就同佢去金滿膳食下午茶啦。金滿膳位於牛頭角牛頭角道357-375號仁安大廈地下，餐廳乾淨企理，好光猛，好多人嚟幫襯。有時唔想煮咁多餸，過嚟斬D燒味返屋企做餸，或者直頭落嚟食，又平又好食😋 今次叫左個燒味下午茶和常餐，呀仔好鐘意食燒腩仔，話佢脆卜卜，肉好鬆軟，入口溶化，咁就叫招牌脆皮燒腩仔米 配凍奶茶 $33。我又想食沙嗲牛麵同炒蛋，叫個常餐 沙嗲牛肉 公仔麵 配方包炒蛋 加凍奶茶 $50 。滿足曬我地2個的胃口，填飽肚仔。